[᭕᭑ 51B]
᭕᭑
ᬧᬸᬢ᭄ᬭᬦ᭄ᬳᬶᬤᬓᬯᭀᬦ᭄᭞ᬩᭂᬗᭀᬂᬳᬶᬤᬲᭂᬫᬸᬫᬗᬸ᭞ᬫᬮᬶᬗ᭄ᬕᬶᬄᬲᭀᬃᬧᬭᬶᬚᬢᬵ᭞ᬢᬹᬃᬫᬲᬦ᭄ᬤᬶᬂ᭞ᬗᬭᬹᬫ᭄ᬭᬸᬫ᭄ᬳ᭄ᬬᬂᬖᬶᬭᬶᬲᬸᬢ᭟ᬲᬸᬯᬾᬳᬶᬤᬤᬾᬯᬶᬉᬫ᭞ᬓᬭᬶᬳᬶᬤᬲᭂᬫᬸᬭᬶᬫ᭄ᬭᬶᬫ᭄᭞
ᬢᬦ᭄ᬲᬄᬚᭂᬚᭂᬄᬓᬲ᭄ᬬᬩ᭄ᬓᭂᬲ᭄ᬬᬩ᭄᭞ᬢᬸᬢᬸᬕ᭄ᬳᬸᬮᬦᬦᬾᬲᬫ᭄ᬧᬸᬦ᭄᭞ᬫᬶᬚᬶᬮ᭄ᬧᬸᬢ᭄ᬭᬦ᭄ᬳᬶᬤᬮᬦᬂ᭞ᬗᬋᬲ᭄ᬋᬲᬶᬦ᭄᭞ᬓ᭄ᬭᬸᬭᬯᬃᬡ᭄ᬦᬦ᭄ᬳᬶᬤᬕᬚᬄ᭟ᬲᬳᬫᬧ᭄ᬭᬪᬯᬳᬸᬚᬦ᭄᭞ᬳᬗᬶᬦ᭄
ᬓᬶᬮᬧᬾᬜᬦ᭄ᬤᭂᬭᬶᬦ᭄᭞ᬓ᭄ᬭᬾᬩᬾᬓ᭄ᬓᭂᬭᬸᬕ᭄ᬫᬕᭂᬚᭂᬭᬦ᭄᭞ᬫᬤᬸᬮᬸᬭᬦ᭄ᬓᭂᬢᬸ᭠ᬕ᭄ᬮᬶᬦᬸᬄ᭞ᬓᭀᬘᬧ᭄ᬳᬶᬤᬤᬾᬯᬶᬉᬫ᭞ᬯᬳᬸᬗᬓ᭄ᬱᬶ᭞ᬧᬸᬢ᭄ᬭᬦ᭄ᬳᬶᬤᬲᬮᬄᬭᬹᬧ᭟ᬫᬭ᭠
ᬕᬤᬾᬯᬫᬸᬯᬕᬚᬄ᭞ᬫᬮᬳᬶᬩ᭄ᬳᬶᬤᬫᬜ᭄ᬚᭂᬭᬶᬢ᭄᭞ᬲᬗ᭄ᬳ᭄ᬬᬂᬰᬶᬯᬳᬶᬤᬳᬾᬜ᭄ᬘᭀᬮ᭄᭞ᬜᬕ᭄ᬚᬕᬶᬦ᭄ᬲᬃᬯ᭄ᬯᬶᬫᬶᬢᬹᬢᬸᬭ᭄᭞ᬳᭂᬤᭂᬳᬤᬶᬚᬸᬯᬜᭂᬩᭂᬢᬂ᭞ᬦᬾᬧᬶᬓᭀᬮᬶᬄ
[᭕᭒ 52A]
᭕᭒
ᬚᭂᬚᭂᬄᬳᬤᬶᬦᬾᬗᬦ᭄ᬢᭂᬦᬂ᭟ᬕᬚᬄᬜᬦᬾᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬳᬤᬩᬸᬯᬶᬦ᭄ᬫᬦ᭄ᬤᬸᬮᬸᬭᬶᬦ᭄᭞ᬍᬢᭂᬄᬩᭂᬮᬶᬦᬾᬦᬾᬲᬸᬩ᭞ᬢᬸᬳᬭᬫᬫᬕᭂᬳᬂᬢᬹᬢᬸᬃ᭞ᬲᬗ᭄ᬳ᭄ᬬᬂᬖᬦᬚᬦᬶᬳᬤᬦ᭄ᬜ᭞
ᬕᬸᬡᬮᬸᬯᬶᬄ᭞ᬗ᭄ᬕᬯᬾᬦᬂᬭᬳᬬᬸᬦ᭄ᬰ᭄ᬯᬃᬕ᭄ᬕᬦ᭄᭟ᬢᬹᬃᬰᬓ᭄ᬢᬶᬤᬶᬧᬲ᭄ᬬᬢᬦ᭄᭞ᬫᬗ᭄ᬤᬾᬦ᭄ᬜᬲᬶᬤᬫᬢᬾᬦᬶᬦ᭄᭞ᬫᬸᬲᬸᬄᬤᬾᬯᬢᬦᬾᬳᭂᬦ᭄ᬢᭀ᭞ᬲᬧᬸᬦᬶᬓᬋᬓᬾᬧᬸᬧᬸᬢ᭄᭞ᬯ᭠
ᬘᬦᬦ᭄ᬳᬶᬤᬪᬝᬵᬭ᭞ᬫᬗ᭄ᬯᬲ᭄ᬢᭀᬦᬶᬦ᭄᭞ᬧᬸᬢ᭄ᬭᬦᬾᬫᬗ᭄ᬤᬭᬳᬃᬚ᭄ᬚ᭟ᬲᬗ᭄ᬳ᭄ᬬᬂᬖᬡᬲᬫ᭄ᬧᬸᬦ᭄ᬳᭂᬫ᭄ᬩᬲ᭄᭞ᬯᬾᬦ᭄ᬢᭂᬦ᭄ᬳᬸᬢᬸᬲᬦ᭄ᬫᬜᬶᬗᬶᬤ᭄᭞ᬫᬕᭀᬩᬤᬾᬯᬢᬋᬓᭀ᭞ᬳᬸ᭠
ᬢᬸᬲᬦ᭄ᬤᬳᬶᬢᬶᬬᬳᬕᬸᬂ᭞ᬗᬦ᭄ᬤᬶᬓᬬᬂᬫᬦᬢᬲᬂ᭞ᬬᬾᬦᬶᬂᬫᬶᬚᬶᬮ᭄᭞ᬧᬸᬢ᭄ᬭᬦ᭄ᬳᬶᬤᬤᬾᬯᬶᬉᬫ᭞ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬢᬢᬲ᭄ᬧᬶᬲᬦ᭄᭞ᬧᬸᬢ᭄ᬭᬦ᭄ᬳᬶᬤᬲᬫ᭄ᬧᬸᬦ᭄ᬫᬶᬚᬶᬮ᭄᭞
