[᭕᭗ 57B]
᭕᭗
᭚ᬧᬸᬧᬸᬄᬤᬹᬃᬫ᭄ᬫ᭚ᬓᭀᬘᬧ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬫᬢᭂᬫᬸᬬᬸᬤ᭄ᬤ᭞ᬧᬤᬲᬮᬶᬂᬧᬦᬳᬶᬦ᭄᭞ᬳᬦ᭄ᬢᬸᬓ᭄ᬢ᭄ᬭᬶᬲᬸᬮ᭞ᬦᭂᬩᭂᬓ᭄ᬓᬢᭂᬩᭂᬓ᭄ᬩᬄ᭞ᬜᬓ᭄ᬭᬓᬘᬓ᭄ᬭᬜ᭄ᬚᬫ᭄ᬧᬭᬶᬂ᭞ᬧᭂᬤᬂᬓᬧᭂᬤᬂ᭞ᬳᬸ᭠
ᬬᬸᬢ᭄ᬫᬲᬸᬫ᭄ᬩᬃᬲᬫᬶ᭟ᬓᬤᬶᬳᬸᬚᬦ᭄ᬳᬸᬮᬸᬗᬦ᭄ᬧᬦᬄᬢᬦ᭄ᬧᭂᬕᬢ᭄᭞ᬤᬳᬶᬢ᭄ᬬᬤᬾᬯ᭠ᬢᬗᭂᬫᬲᬶᬦ᭄᭞ᬫᬢᬶᬧᬚᬸᬮᬾᬫ᭄ᬧᬂ᭞ᬮᬾᬦ᭄ᬳᬤᬦᬾᬓᬧᬸᬗ᭄ᬕᬮ᭄᭞ᬮᬾᬦ᭄ᬳᬤᬓᭂᬦᬕᬕᬶ
ᬢᬶᬓ᭄᭞ᬭᬫᬾᬭᬶᬂᬬᬸᬤ᭄ᬤ᭞ᬓᬤᬶᬫᬗᬸᬳᬸᬕᬂᬕᬸᬫᬶ᭟ᬳᬤᬫᬢᬶᬓᬚᭂᬓ᭄ᬚᭂᬓᬶᬦ᭄ᬩᬳᬦ᭄ᬚᬭᬦ᭄᭞ᬤᭀᬓᬃᬕᬚᬄᬢᬦ᭄ᬫᬭᬶ᭞ᬦᬾᬦᭂᬕᬓᬶᬦ᭄ᬕᬚᬄ᭞ᬲᭂᬤᭂᬓ᭄ᬫᬸᬗ᭄ᬕᬮ᭄ᬫᬸᬲᬸᬄ᭠
ᬜ᭞ᬓᭂᬦᬧᬦᬄᬳᬸᬮᬶᬤᬸᬭᬶ᭞ᬫᬢᬶᬜᬮᬾᬫ᭄ᬧᬂ᭞ᬫᬶᬯᬄᬢᭂᬕᬓᬦ᭄ᬜᬫᬢᬶ᭟ᬯᬢᭂᬓ᭄ᬤᬳᬶᬢ᭄ᬬᬲᭂᬗᬶᬢ᭄ᬧᬥᬫᬗᬋᬧᬂ᭞ᬫᬦᭂᬩᭂᬓ᭄ᬢᬹᬃᬫᬜᭂᬕᬸᬢᬶᬦ᭄᭞ᬫᬫᭂᬤᬂᬫᬜᬓᬺ
[᭕᭘ 58A]
᭕᭘
ᬫᬦᬶᬫ᭄ᬧᬸᬕ᭄ᬩᬳᬦ᭄ᬧᬸᬗ᭄ᬕᬮᬦ᭄᭞ᬩᬗ᭄ᬓᬾᬦ᭄ᬕᬚᬄᬓᬳᭂᬦ᭄ᬢᬸᬗᬶᬦ᭄᭞ᬧᬭᬤᬾᬯᬢᬦᬾ᭞ᬧᬩ᭄ᬮᭂᬲᬢ᭄ᬲᬫᬶᬮᬶᬮᬶᬄ᭟ᬢᬹᬃᬓᬩᬸᬭᬸᬩᬳᬦ᭄ᬧᬭᬯᬢᭂᬓ᭄ᬭᬓ᭄ᬱᬲ᭞ᬓᬢᭂᬩᭂ
ᬓ᭄ᬓᬧᬦᬳᬶᬦ᭄᭟ᬓᬧᬸᬗ᭄ᬕᬮ᭄ᬓᬲᭂᬫ᭄ᬧᬮ᭄᭞ᬮᬾᬦ᭄ᬳᬤᬦᬾᬓᬳᬫᬄ᭞ᬳᬤᬮᬾᬦ᭄ᬫᬜᬾᬭᬾᬢ᭄ᬕᭂᬢᬶᬄ᭞ᬳᬤᬓᬩᬤ᭄ᬩᬤ᭄᭞ᬓᬳᬾᬭᬾᬤ᭄ᬓᬲᬓᬶᬢᬶᬦ᭄᭟ᬲᬗ᭄ᬳ᭄ᬬᬂᬇ
ᬦ᭄ᬤ᭄ᬭᬭᬭᬶᬲ᭄ᬳᬶᬤᬫᬗᬋᬧᬂ᭞ᬧᬭᬤᬾᬯᬢᬜᬋᬗᬶᬦ᭄᭞ᬳ᭄ᬬᬂᬯᬶᬱ᭄ᬡᬸᬩ᭄ᬭᬳ᭄ᬫᬵᬫᬓᬧᬦᬩᭂᬳᬶᬂᬬᬸᬤ᭄ᬤ᭞ᬫᬫᬦᬄᬲᬫᬶᬗᬸᬚᬦᬶᬦ᭄᭞ᬭᬓ᭄ᬱᬲᬓᭂᬦ᭞ᬓᬢᬄᬗᭂᬫᬲᬶᬦ᭄
ᬫᬢᬶ᭟ᬫᬳᬤᬸᬓᬦ᭄ᬓᬫᭂᬫᭂᬕᬦ᭄ᬬᬓᬢᬸᬫ᭄ᬩᬓ᭄᭞ᬓᬢᭂᬩᭂᬓ᭄ᬳᬸᬮᬶᬲᬫ᭄ᬧᬶᬂ᭞ᬓᬘᬓ᭄ᬭᬓᬪᬚᬺ᭞ᬳᬤᬲᭂᬫ᭄ᬧᬮ᭄ᬓᬧᬸᬗ᭄ᬕᬸᬮ᭄᭞ᬧᬦᬳᬾᬳᬓᬾᬄᬦᬶᬩᬦ᭄᭞ᬯᬮᬸᬬ
