[᭖᭑ 61B]
᭖᭑
ᬓᬾᬭᬶ᭞ᬩᬄᬲᬗ᭄ᬳ᭄ᬬᬂᬖᬡ᭞ᬭᬭᬶᬲ᭄ᬩᬗᬸᬦ᭄ᬗᬾᬗ᭄ᬕᬮᬂ᭞ᬩᭂᬦ᭄ᬤᬸᬦᬾᬢᬦ᭄ᬲᬶᬧᬶᬲᬶᬧᬶ᭞ᬗ᭠ᬫ᭄ᬩᬶᬮ᭄ᬲᬜ᭄ᬚᬢ᭞ᬧᬶᬘᬦ᭄ᬳ᭄ᬬᬂᬖᬶᬭᬶᬧᬢᬶ᭟ᬧᬲᬸᬧᬢᬶᬲᬲ᭄ᬢ᭄ᬭᬫᬸᬯᬄᬚᬬᬯᬶᬚᬬ᭞ᬲᬫ᭄ᬧᬸᬦ᭄ᬓᬢᬶ
ᬯᬓᬂᬫᬗ᭄ᬓᬶᬦ᭄᭞ᬓᭂᬦᬶᬤᬤᬦ᭄ᬳᬶᬤ᭞ᬲᬂᬦᬶᬮᬮᬸᬤ᭄ᬭᬓᬩ᭄ᬮᬄ᭞ᬳᬸᬲᬸᬲ᭄ᬜ᭄ᬭᬯᬾᬫᬶᬯᬄᬳᬢᬶ᭞ᬕᭂᬢᬶᬳᬾᬫᭂᬫ᭄ᬩᬄ᭞ᬲᬾᬤᬳᬶᬤᬧᬺᬫᬗ᭄ᬓᬶᬦ᭄᭟ᬲᬫ᭄ᬧᬸᬦ᭄ᬲᬾᬤᬳᬶᬤᬲᬂᬦᬶᬮᬮᬸᬤ᭄ᬭᬓ᭞ᬲ
ᬳᬧᬜ᭄ᬚᬓ᭄ᬳᬶᬤᬲᬫᬶ᭞ᬢᬹᬃᬲᬫ᭄ᬧᬸᬦ᭄ᬓᬧᬸᬗ᭄ᬕᬮ᭄᭞ᬲᬗ᭄ᬳ᭄ᬬᬂᬖᬡᬦᬤ᭄ᬢᬤ᭄᭞ᬲᬫ᭄ᬧᬸᬦ᭄ᬓᬘᬾᬗ᭄ᬕ᭄ᬮᬓᬂᬫᬮᬶᬄ᭞ᬢᬫ᭄ᬮᬾᬮᬾᬦ᭄ᬳᬶᬤ᭞ᬓᬗ᭄ᬕᬾᬦ᭄ᬫᬜᬗ᭄ᬕᬦᬾᬫᬗ᭄ᬓᬶᬦ᭄᭟ᬋᬫ᭄ᬋᬫ᭄ᬤᬬᬸᬄᬢᬾᬚ
ᬓᬸᬯᬸᬂᬭᬶᬂᬳᬫ᭄ᬩᬭ᭞ᬕᬸᬍᬫᬾᬫᬗᭂᬫᬸᬭᬶᬭᬶᬲ᭄᭞ᬧᭂᬢᭂᬂᬫᬮᬶᬫᬸᬦᬦ᭄᭞ᬧᬺᬪᬯᬦ᭄ᬳᬶᬤᬲᬂᬲᬾᬤ᭞ᬭᬶᬂᬬᬸᬤ᭄ᬤᬧᬸᬭᬸᬱᬚᬢᬶ᭞ᬢᭂᬓᬦᬶᬂᬧᬜ᭄ᬚᬓ᭄᭞ᬢᭂᬮᬲ᭄ᬢᬦ᭄ᬧᬰᬾᬱᬫᬢᬶ᭟
[᭖᭒ 62A]
᭖᭒
ᬲᬗ᭄ᬳ᭄ᬬᬂᬖᬡᬭᬭᬶᬲ᭄ᬗᬫ᭄ᬩᬶᬮ᭄ᬯᬭᬫᬺᬢ᭄ᬢ᭞ᬧᬸᬦᬶᬓᬓᬵᬗ᭄ᬕᬾᬦ᭄ᬜᬶᬭᬫᬶᬦ᭄᭞ᬤᬾᬯᬢᬦᬾᬲᬾᬤ᭞ᬲᬫ᭄ᬧᬸᬦ᭄ᬜᭂᬦᭂᬂᬲᬫᬶᬬᬦ᭄᭞ᬢᬸᬫᬸᬮᬶᬭᬭᬶᬲ᭄ᬗᭂᬪᬓ᭄ᬢᬶ᭞ᬭᬶᬂᬲᬗ᭄ᬳ᭄ᬬᬂᬖᬡ᭞
ᬮᬾᬤᬂᬓᬬᬸᬦᬾᬢᬦ᭄ᬲᬶᬧᬶ᭟ᬭᬭᬶᬲ᭄ᬩᬸᬤᬮ᭄ᬯᬢᭂᬓ᭄ᬤᬾᬯᬢᬲᬫᬶᬳᬦ᭄᭞ᬫᬶ᭠ᬯᬄᬲᬂᬧᬭᬋᬱᬶ᭞ᬗᬶᬭᬶᬂᬲᬗ᭄ᬳ᭄ᬬᬂᬖᬡ᭞ᬫᬓᬤᬶᬳ᭄ᬬᬂᬰᬹᬭᬦᬵᬣ᭞ᬫᬭᬭᬯᭀᬲᬦ᭄ᬭᬶᬂᬫᬃᬕ᭄ᬕᬶ᭞
ᬦᬾᬓᬭᬯᭀᬲᬂ᭞ᬲᭀᬮᬳᬾᬫᭀᬮᬶᬄᬭᬶᬂᬚᬸᬭᬶᬢ᭄᭟ᬘᬭᬶᬢᬦᬦ᭄ᬭᬯᬸᬄᬭᬶᬂᬧᬸᬭᬶᬦ᭄ᬳᬶᬤᬲᭀᬯᬂ᭞ᬲᬗ᭄ᬳ᭄ᬬᬂᬖᬡᬦᬾᬫᬗ᭄ᬓᬶᬦ᭄᭞ᬧᭂᬤᭂᬓ᭄ᬭᬶᬂᬳ᭄ᬬᬂᬰᬶᬯ᭄ᬯ᭞ᬫᬓᬫᬶᬯᬄᬭᬶᬂ
ᬳᬶᬩᬶᬬᬂ᭞ᬳᬧ᭄ᬲᬭᬋᬱᬶᬫᬗᬶᬭᬶᬂ᭞ᬲᬂᬓᬮᬶᬄᬮᬾᬤᬂ᭞ᬜᬶᬗᬓ᭄ᬧᬸᬢ᭄ᬭᬦ᭄ᬳᬶᬤᬫᭀᬮᬶᬄ᭚᭜᭚ᬧᬸᬧᬸᬄᬧᬗ᭄ᬓᬸᬃ᭚ᬧᬜ᭄ᬚᬂᬬᬦ᭄ᬲᬶᬤᬳᬸᬘᬧᬂ᭞ᬲᬲᭀᬮᬳᬦ᭄ᬳᬶᬤᬲᬂᬫᭀ᭠
