45B
᭔᭕᭟ᬦ᭄ᬓᬤᬶᬦᬾᬲᬵᬫ᭄ᬧᬸᬦ᭄᭞ᬫᬕᭂᬦ᭄ᬢᭀᬲ᭄ᬯᬶᬱ᭄ᬡᬦᬾᬥᬃᬫ᭞ᬫᭂᬗ᭄ᬕᭂᬧ᭄ᬩᬍᬫ᭄᭞ᬥᭂᬫ᭄ᬥᭂᬫ᭄ᬘᬶᬗᬓᬾᬮᬶᬤ᭄ᬭᬸ᭞ᬫᬲᬳᬸᬃᬳᬶᬓ᭄ᬤᬶᬲ᭄ᬩᬓ᭞ᬩᭂᬦᭂᬄᬩᬸᬓᬫᬸᬜᬶᬦ᭄ᬘᬳᬶ᭟᭜᭟᭗᭕᭟ᬩᬧᬫᬜᬮᬶᬦᬶᬦ᭄ᬢᬶᬗ᭄ᬓᬄ᭞ᬗᬸᬮᬄ᭠
ᬤᬃᬫᬫᬲᬸᬭᬸᬤᬬᬸᬫᬓᬶᬦ᭄ᬓᬶᬦ᭄᭞ᬫᬭᬫᬮᬓ᭄ᬱᬡᬥᬸᬥᬸ᭞ᬢ᭄ᬯᬶᬓᬬᬦᬾᬦᬕᬸᬕ᭄ᬯᬦ᭄᭞ᬫᬗ᭄ᬤᬾᬕᭂᬫ᭄ᬧᬸᬂᬓᬧᬵᬧᬦ᭄ᬮᬓ᭄ᬱᬡᬭᬸᬲᬸᬄ᭞ᬳᬶᬩᬾᬲᬸᬓᬫᬦ᭄ᬤᬶᬗᭂᬳᬂ᭞ᬧᬗᬮᬾᬄᬫᬸᬜᬶᬦᬾᬫᬦᬶᬲ᭄
᭟᭜᭟᭗᭖᭟ᬧᬥᬍᬕᬬᬫ᭄ᬬᬃᬱ᭞ᬧᬶᬮᬶᬄᬯ᭄ᬦᬂᬧᬸᬦᬶᬓᬶᬢᬶᬢ᭄ᬬᬂᬰᬶᬱ᭄ᬬᬦᬶᬦ᭄᭞ᬗᬶᬭᬶᬂᬫᬗᬸᬮᬄᬭᬳᬬᬸ᭞ᬦ᭄ᬤᬶᬓᬳᬶᬦ᭄ᬲᬧᬭᬶᬓ᭄ᬭᬫ᭞ᬓᬦᬶᬲ᭄ᬓᬮᬚᬵ᭄ᬜᬦᬯᬶᬰᬾᬱᬦᬾᬧᬢᬹᬢ᭄᭞ᬫᬗ᭄ᬤᬲᬵ᭠
ᬫᬧᬸᬃᬡ᭄ᬦᬲᬫᬵᬮ᭞ᬓᬲᬶᬤ᭄ᬥᬦ᭄ᬫᬦᬸᬗ᭄ᬓᬧ᭄ᬮ᭄ᬯᬶᬄ᭟᭜᭟᭗᭗᭟ᬓᭂᬜᭂᬫ᭄ᬫᬲᬳᬸᬃᬳᬶᬩᬓ᭞ᬤᬚᬳᬶᬩᬸᬓ᭄ᬬᬦ᭄ᬲᬢᬶᬗ᭄ᬓᬳᬶᬂᬤᬤᬶ᭞ᬢᬦ᭄ᬲᬗ᭄ᬰᬬᬾᬂᬳᬮᬳᬬᬸ᭞ᬲᬫᬺᬢᬶᬢᬦ᭄ᬓᬾᬢᬂ᭞ᬰᬵᬲ᭄ᬢ᭄ᬭ
46A
ᬕᬫᬧᬸᬦᬶᬓᬲᬫᬶᬢᬦ᭄ᬓᬾᬢᬸᬂ᭞ᬳᬧᬦ᭄ᬧ᭄ᬭᬕᬢ᭄ᬳᬚᬶᬮ᭄ᬬᬢ᭄᭞ᬧ᭄ᬬᬓᬂᬤᬤᬶᬓᬧᬮᬶᬄ᭟᭜᭟᭗᭘᭟ᬲᬳᬶᬋᬕᭂᬧ᭄ᬳᬧᬂᬚᬕ᭄ᬭ᭞ᬢᬸᬓ᭄ᬢᬸᬓ᭄ᬮᬬᬄᬤ᭄ᬮᬸᬓᬂᬓᬮᬗᬶᬢ᭄ᬮᬗᬶᬢ᭄᭞ᬮ᭄ᬯᬗᬂᬓᬕᬸᬭᬸᬂᬕᬸᬭᬸᬂ᭞ᬫᬮᭀ
ᬬᭀᬂᬢ᭄ᬓᭂᬤ᭄ᬓᬢ᭄ᬗᬄ᭞ᬓᬲᬸᬜᬢᬦ᭄ᬳᭂᬦ᭄ᬢᭀᬦᬾᬓᬳᬸᬘᬧᬧᬸᬧᬸᬢ᭄᭞ᬢ᭄ᬯᬭᬩ᭄ᬯᬶᬦ᭄ᬫᬦ᭄ᬤᬤᬶᬫᬶᬡ᭞ᬧᬭᬫᬲᬸᬦᬪᬶᬦᬸᬓ᭄ᬢᬶ᭟᭜᭟᭗᭙᭟ᬩᬾᬦᬾᬍᬕᬦ᭄ᬤᬶᬗᭂᬳᬂ᭞ᬳᬧᬦ᭄ᬢᬦ᭄ᬯ᭄ᬭᬸᬄᬢ᭄ᬯᬭᬦᬯᬂᬢᬸᬢᬸᬃᬳᬚᬷ᭞ᬲᬫᬸ
ᬜᬶᬦ᭄ᬩᬓᬓᬕᬸᬕᬸ᭞ᬮᬯᬸᬢ᭄ᬗᬲᭀᬃᬲᬸᬪᬓ᭄ᬢ᭄ᬬ᭞ᬢ᭄ᬓᬢᬶᬦᬹᬢ᭄᭞ᬲᬢᬶᬗ᭄ᬓᬄᬰᬱ᭄ᬬᬭᬶᬂᬕᬸᬭᬸ᭞ᬧᭂᬃᬘᬬᬭᬶᬂᬩᬓᬘᭀᬭᬄ᭞ᬢᬶᬗ᭄ᬓᬳᬾᬳᬲ᭄ᬢᬶᬢᬶᬬᬲᬶᬄ᭟᭜᭟ᬳᬶᬮᬂᬲᬗ᭄ᬰᬬᬭᬶᬂᬩᬓ᭞᭠
ᬢᬦ᭄ᬧᬦᬳᭂᬦ᭄ᬓᬓ᭄ᬦᬦᬸᬧᬬᬲᬦ᭄ᬥᬶ᭞ᬓᬲᬸᬯᬾᬦ᭄ᬲᬸᬩᬧᬤᬳᬦᬹᬢ᭄᭞ᬳᬶᬩᬓᬍᬕᬗᭂᬦᭀᬢᬂ᭞ᬭᬶᬂᬲᬲᭀᬮᬄᬩᬾᬦᬾᬫᬦᬸᬄᬫᬢᬫ᭄ᬩᬸᬦ᭄᭞ᬮ᭄ᬬᬸᬲᬸᬩᬫᬭᭀᬭ᭄ᬬᬦᬦ᭄᭞ᬫᬵ
Kaca:Bali-lontar-paparikan-tantri-01-250ppi.pdf/46
Kaca puniki sampun kauji-wacén
