[42B᭔᭒ᬩ]ᬢᬶᬮᬫ᭄ᬲᬂᬦᬭᬧᬢᬶ᭞ᬲᬶᬦᬲᬤᬯᬲ᭄ᬢᬸᬦ᭄ᬳᬶᬧᬸᬦ᭄᭞ᬫᭀᬓᭀᬄᬢᬦ᭄ᬓᬶᬭᬂᬫᬓᬦ᭄᭞ᬳᬧᬦ᭄ᬫᬶᬬᭂᬧ᭄ᬫᬜᬶᬗ᭄ᬲᬾᬲᬂᬧ᭄ᬭᬪᬸ᭞ᬫᬺᬫ᭄ᬩᭂᬘᬶᬓ᭄ᬧᬲᬶᬋᬧᬦ᭄᭞ᬳᬶᬭᬶᬓᬭᬭᬶᬲ?ᬫᬫ᭄ᬩᬸᬓ᭄ᬢᬶ᭟ᬳᬶᬢᬶᬢᬶᬳ᭄ᬳᬸ
ᬦᬶᬓᬧᬬᬄ᭞ᬦᬫ᭄ᬩᭂᬢ᭄ᬧᬶᬲᬦ᭄ᬧᬗ᭄ᬭᬲᬦ᭄ᬳᬶᬧᬸᬦᬾᬓᬶᬤᬶᬓ᭄᭞ᬫᭂᬗ᭄ᬲᬸᬩ᭄ᬭᬶᬂᬓᬧᬸᬳᬦ᭄ᬢᬫ᭄ᬧᬸᬮ᭄᭞ᬢᬦ᭄ᬳᬸᬦᬶᬂᬭᬶᬂᬢᬶᬗ᭄ᬓᬄ᭞ᬜᬶᬤ᭄ᬭᬯᬬᬢᬸᬫᬢᭀᬦ᭄ᬳᬶᬧᬸᬦ᭄ᬫᭀᬓᭀᬄᬫᬗᬶᬧᬸᬢ᭄᭞ᬫᬭᬳᬶ
ᬘᬦ᭄ᬤᬶᬮᬗᬲᭀᬭ᭄᭞ᬭᬶᬂᬢᬸᬫᬫᬸᬜᬶᬦᬾᬫᬦᬶᬲ᭄᭟ᬤᬸᬄᬤᬾᬯᬲᬂᬲᬶᬳᬲᬤ᭞ᬯᬲ᭄ᬢᬸᬦ᭄ᬢᬶᬢ᭄ᬬᬂᬘᬦ᭄ᬤᬶᬮᬓᬲ᭄ᬬᬲᬶᬄ᭞ᬧᬓᬸᬩ᭄ᬯᬦ᭄ᬢᬶᬢ᭄ᬬᬂᬭᬶᬂᬢ᭄ᬭᬸᬂ᭞ᬳᬸᬬᬂᬓᬢᬸᬦᬦ᭄ᬳᬫᬄ᭞ᬮ᭄ᬯᬶᬃᬘᬢᬓᬭᬶᬂᬓᬢᬶᬕᬗ
ᬦ᭄ᬢᬶᬚᬯᬸᬄ᭞ᬢᬶᬢ᭄ᬬᬂᬩᬶᬸᬓᭂᬩᬸᬲ᭄ᬓᬧᬄᬗᬫᬄ᭞ᬤᭀᬦᬶᬂᬭᬯᬸᬄᬦᬸᬦᬲ᭄ᬓᬦ᭄ᬢᬶ᭟ᬢᬸᬮᬸᬲᬂᬚ᭄ᬯᬫᬜᬸᬧᬢ᭄᭞ᬫᬗ᭄ᬤᬳᬶᬤᬾᬯᬲ᭄ᬯᬾᬘᬫᬗᬦ᭄ᬢᬶᬦᬶᬦ᭄᭞ᬩᬲᬂᬢᬶᬢ᭄ᬬᬂᬦᭂᬓᭂᬢ᭄ᬓᬢᬸᬦ᭄ᬤᬸᬦ᭄᭞ᬳᬶᬭ
[43A᭔᭓ᬳ]ᬢᬸᬯᬶᬦᬸᬄᬧᬶᬲᬦ᭄᭞ᬜᭂᬍᬧ᭄ᬮᬶᬲᬶᬕ᭄ᬭᬕᬦᬾᬫᬍᬗᬶᬲ᭄ᬮᬸᬫ᭄ᬮᬸᬫ᭄᭞ᬘᬶᬭᬶᬦ᭄ᬢᬸᬳᬸᬓᬦ᭄ᬫᬚᭂᬗᬦ᭄᭞ᬢ᭄ᬯᬭᬓᬶᬭᬂᬲᬃᬯ᭄ᬯᬪᬸᬓ᭄ᬢᬶ᭟ᬬᬦ᭄ᬕᬸᬲ᭄ᬢᬶᬤᬸᬭᬸᬲ᭄ᬲ᭄ᬯᬾᬘ᭞ᬲᬧᬗᬸᬤᬸᬄᬢᬶᬢ᭄ᬬᬂᬯᬦ᭄ᬢᬄ
ᬫ?ᬗᬶᬭᬶᬂ᭞ᬢᬦ᭄ᬧᬸᬭᬸᬦ᭄ᬫᬶᬯᬮᬶᬓᬬᬸᬦ᭄᭞ᬳᬶᬢᬸᬫᬮ᭄ᬬᬂᬫ᭄ᬬᬱ᭞ᬦᬄᬘᬦ᭄ᬤᬶᬮᬍᬕᬳᬶᬭᬳᬲᬶᬄ᭞ᬳᬸᬢᬸᬦ᭄᭞ᬦᬸᬗ᭄ᬕᬮᬂᬳᬶᬥᭂᬧ᭄ᬫᬯᬃᬕ᭄ᬕ᭞ᬗᬋᬂᬫᬢᬸᬗ᭄ᬕᬮᬦ᭄ᬳᬸᬭᬶᬧ᭄᭟ᬗ᭄ᬳᬶᬂᬳᬧᬂᬲᬦ᭄ᬢ
ᬮᬓ᭄ᬱᬡ᭞ᬓᬲᬦ᭄ᬢᭀᬲᬦ᭄ᬲᬩᬶᬓᬲ᭄ᬳᬶᬭᬢᬸᬳᬸᬳᬶᬦ᭄᭞ᬫᬫᬗ᭄ᬲᬕᭂᬢᬶᬄᬲᬂᬧ᭄ᬭᬪᬸ᭞ᬳ᭄ᬤᬢ᭄ᬓᬳᬶᬚᬸᬗᬫᬄ᭞ᬗᬮᬶᬄᬘᬶᬤ᭄ᬭᬤᬶᬲᬸᬩᬳᬾᬦᬓ᭄ᬫᬢᬸᬭᬸ᭞ᬬᬦ᭄ᬢ᭄ᬯᬭᬫᬩᬳᬦ᭄ᬜᬶᬤ᭄ᬭ᭞ᬢᬳ
ᬦᬂᬩᬲᬗᬾᬧ᭄ᬤᬶᬄ᭟ᬬᬤᬶᬦ᭄ᬳᬧ᭄ᬢᭂᬂᬤ᭄ᬯᬂᬤᬶᬦ᭞ᬫᬲᬶᬄᬳᬦ᭄ᬤᭂᬢ᭄ᬳᬧᬂᬦᬸᬯᬯᬾᬢ᭄ᬫᬳᬸᬭᬶᬧ᭄᭞ᬫᬗ᭄ᬤᬾᬫᬸᬭᬸᬕ᭄ᬫᬧ᭄ᬯᬭᬮᬫ᭄ᬧᬸᬲ᭄᭞ᬲᬢ᭄ᬫᬓᬫᬢᬶᬦ᭄ᬳᬶᬩᬓ᭞ᬩᬦ᭄ᬤ᭄ᬭᭀᬯᬓᬳ᭄ᬯᬭᬗᬶᬢᬸᬂᬧᬮ᭄
