[᭖᭙ 69B]
᭖᭙
ᬦ᭄ᬰᬶᬬ᭄ᬬᬪᬝᬵᬭᬭᬸᬤ᭄ᬭ᭞ᬲᬶᬭᬧᬥᬫᬂᬕᭂᬕᭃᬓᬵᬮ᭟ᬓᬧ᭄ᬯᬲᬶᬭᬢ᭄ᬭᬶᬮᭀᬘᬦ᭞ᬧᬥᬫᬫᬯᬢ᭄ᬭᬶᬰᬹᬮ᭞ᬧᬥᬫᬦᬸᬗ᭄ᬕᬗᬶᬍᬫ᭄ᬩᬸ᭟ᬢᬹᬃᬬ᭄ᬬᬲ᭄ᬬᬘᬾᬰᬵᬦᬄᬧ᭄ᬭᭀᬓ᭄ᬢᭀᬦᬶᬢ᭄ᬬᬢᬺᬧ᭄ᬢᭀᬯᬶᬭᬵᬕᬢᬄ᭞ᬦᬶ
ᬭᬵᬳᬵᬭᬰ᭄ᬘᬦᬷᬭᬵᬚᭀᬯᬵᬬᬸᬪᬹᬢᬰ᭄ᬘᬭᬵᬘᬭᬾ᭟᭕᭒᭟ᬇᬓᬂᬢᬹᬃᬬ᭄ᬬᬧᬤ᭞ᬬᬳᭀᬯᬓᬸᬯ᭄ᬯᬦ᭄ᬰᬶᬱ᭄ᬬᬪᬝᬵᬭᬾᬰ᭄ᬯᬭ᭞ᬓᬧ᭄ᬯᬲᬶᬭᬢᬺᬧ᭄ᬢᬶᬲᬤᬵᬓᬵᬮ᭞ᬢᬦ᭄ᬧᬮ᭄ᬯᬶᬃᬲᬶᬭ᭞ᬢᬵᬳᬦ᭄ᬳᬦᬓᬳ᭄ᬬᬸᬦᬶᬭ᭞
ᬯᬵᬬᬸᬧᬶᬦᬓᬲ᭄ᬯᬪᬵᬯᬦᬶᬭᬳᬦᬭᬶᬂᬲᬃᬯ᭄ᬯᬪᬹᬢ᭟ᬢᬹᬃᬬ᭄ᬬᬵᬦ᭄ᬢᬾᬰᬶᬯᬇᬢ᭄ᬬᬸᬓ᭄ᬢᬋᬱᬶᬃᬬᭀᬚ᭄ᬜᬵᬦᬾᬘᬶᬢ᭄ᬢᬓᬄ᭞ᬬᭀᬚ᭄ᬜᬵᬢ᭄ᬯᬾᬢᬵᬫᬵᬢ᭄ᬫᬵᬦᬜ᭄ᬘᬾᬯᬪᬯᬵᬦ᭄ᬢᬘᬵᬭᬷᬢᬶᬲ᭄ᬫᬺᬢᬄ᭟᭔᭓᭟ᬇᬓᬂᬢᬹᬃᬬ᭄ᬬᬵ
ᬦ᭄ᬢᬧᬤ᭞ᬬᬧᬓᬸᬯ᭄ᬯᬦ᭄ᬓᬳᬦᬦ᭄ᬪᬝᬵᬭᬰᬶᬯ᭞ᬲᬶᬭᬢᬓᬯ᭄ᬭᬸᬳᬦᬤᬾᬲᬂᬯᬶᬓᬸ᭞ᬲᬶᬭᬫᬗᭂᬦᬗᭂᬦᬚ᭄ᬜᬵᬦᬤᬾᬪᬝᬵᬭ᭞ᬮᬯᬦ᭄ᬲᬂᬳ᭄ᬬᬗᬵᬢ᭄ᬫᬵ᭞ᬧᬭᬦᬦ᭄ᬬᬫ᭄ᬲᬢ᭄᭞ᬭᬶᬓᬵᬮᬦᬶᬂ
[᭗᭐ 70A]
ᬧ᭄ᬭᬮᬬ᭞ᬢᬵᬢᬫ᭄ᬳᬦᬂᬚᬦ᭄ᬫᬮᬶᬂᬪᬝᬵᬭ᭞ᬢᬦ᭄ᬤᬤ᭄ᬬᬓᬧᬸᬦᬃᬪᬯ᭟ᬢᬶᬓ᭄ᬢᬫᬾᬯᬫᬳᬵᬤᬾᬯᭀᬫᬳᬵᬚᬷᬯᭀᬫᬳᬾᬰ᭄ᬯᬭᬄ᭞ᬤᬃᬧ᭄ᬧᬡᬾᬘᬬᬵᬫᬵᬬᬾᬯᬉᬧᬤᬾᬰᭀᬦᬶᬕᬤ᭄ᬬ
ᬢᬾ᭟᭕᭔᭟ᬲᬂᬳ᭄ᬬᬂᬫᬳᬵᬤᬾᬯᬲᬶᬭᬢᬶᬓ᭄ᬢᬗᬭᬦᬶᬭ᭞ᬲᬂᬳ᭄ᬬᬂᬫᬳᬾᬰ᭄ᬯᬭᬲᬶᬭᬚᬷᬯ᭞ᬓᬤ᭄ᬬᬗ᭄ᬕᬦᬶᬂᬫᬵᬬᬵᬓᬢᭀᬦᬶᬂᬘᬺᬫᬶᬦ᭄᭞ᬫᬗ᭄ᬓᬦᬪᬝᬵᬭ᭞ᬅᬦ᭄ᬧᬶᬦᬓᬚᬷᬯᬦᬶᬂᬭᬵᬢ᭄ᬓᬩᬾᬄ᭞ᬅᬦᬦ᭄
ᬓᬢᭀᬦᬶᬂᬰᬭᬷᬭ᭞ᬇᬓᬢᬓᬩᬾᬄ᭞ᬬᬉᬧᬤᬾᬰᬭᬦ᭄ᬬ᭞ᬮᬶᬂᬪᬝᬵᬭᬭᬶᬲᬂᬓᬸᬫᬵᬭ᭟ᬢᬶᬓ᭄ᬢᬓᬫᬷᬰ᭄ᬯᬭᭀᬚ᭄ᬜᬾᬬᬄᬲᬶᬯᭀᬯᬵᬲᬫᬸᬤᬵᬳᬺᬢᬄ᭞ᬙᬵᬬᬾᬦᬤᬃᬰ᭄ᬰᬦᬀᬢᬲ᭄ᬫᬶᬦ᭄ᬢᬹᬃᬬ᭄ᬬᬵᬦ᭄ᬢ
ᬲ᭄ᬬᬦᬶᬤᬃᬰ᭄ᬰᬦᬫ᭄᭟᭕᭕᭟ᬲᬂᬳ᭄ᬬᬂᬳᬶᬦᬚᬭᬓᭂᬦ᭄ᬪᬝᬵᬭ᭞ᬇᬢ᭄ᬗᬄᬦᬶᬂᬢᬶᬓ᭄ᬢ᭞ᬓᬤ᭄ᬬᬗ᭄ᬕᬦᬶᬂᬫᬵᬬᬵᬓᬢᭀᬦᬶᬂᬘᬺᬫᬶᬦ᭄᭞ᬫᬗ᭄ᬓᬦᬲᬶᬭᬓᬢᭀᬦᬶᬂᬘᬶᬢ᭄ᬢ᭞ᬲᬂᬳ᭄ᬬᬂᬇᬰ᭄ᬯᬭᬲᬶᬭᬢᬶᬓ᭄ᬢ᭞ᬦᬶᬳᬦ᭄᭟ᬓ
Kaca:Bali-lontar-tatwa-maha-jnana-300ppi.pdf/70
Kaca puniki sampun kauji-wacén