Kaca puniki kavalidasi
Bébék Punyah
Made Taro
JIKJIK JARAN
Jikjik jaran
makajikjik i jaran
kaplugang tendase
kaperang batise
ruketang awake
andupang plaibe
depang nongklang nglukar padang
depang ngrubuh ngipuh kaang
Jikjik jaran
makajikjik i jaran
numbrag nrejek sungsang
ngipuh ngrubuh labuh
lamun jati wanen
pada pecik cunguhe
pada kedeng ikuhe
pada tigtig tangkahe
Andupang
terus andupang
ane kaandupang sing dadi makirig
ane nengkleng sing dadi malaib
ane wanen sing dadi mreren
jemak pecute jemak tumbake
rugrag rurunge borbor gununge
....
dong kadena
umah omang-omang
Denpasar, 2002
15