I Gusti Putu Antara
nyongkok apang tuara kena muncuk tumbak. Ngucapang alis ngentengang siku sambil matanné ané séngat ngucapang awas! Tur matitis cecéngél utawi tued baongné Sri Sudarsana . I Jainur lantas makecog ma-lumpat tegeh tur nyépakin cecéngél idané nanging mimpas krana tuah ngenain karnané Sri Sudarsana. Gruguhné maserod prajani ipun nyrotsot labuh lantas ejitné nepén muncuk tumbaké. Laut I Jainur nelenging kasakitan kadi rasa pali at méong ri kala macula. materes butuhné. Nyegut lanah sambilanga majeritan.
"Titiang ....! Titiang ....! Aruh, aruh! Titiang tusing.... Titiang adub....! Titiang kapok'!"
Duk totonan pagerudug anaké lianan sampun saling mrediding, sami pada mlaib rnajaran-jaranan. Masarengan ri kala punika, I Sadara ngihi-ngihi tur sengi-sengi ngeling ban kaun tendasné pécok, bantang cunguhné eluk pesu kécap mabrarakan. Ipun krisik-krisik ngingetang raga.
Wau ipun matingtingan kacingak I jainur nyungkiling, silit ipuné kapacék tumbak, prajani I Sadara membul.
"Uwuuullll. Uwuuullll." sambilanga mangusapin tangkahné ané enu mauyak getih tur nampekin Sri Sudarsana sambilanga matur.
"Duh, Ratu Cokorde!Mawit sampun Ida Sanghyang Widi Wasa ngicén karahayuan, gantin bagiane kapanggihin. Gelis titiang polih upah dadi Gusi, irika titiang mamarinlah. Yadin titiang sampun bagia dadi Mekel turing sugih, nanging titiang pacang tanja elong suhakti ring Cokor I Dewa. Yadin
42
