Pandhu dahat kalaran, rumenga sang Brahma Resi, tan mari angasih-asih, duh ari maskuita ningsun , mangke tan wenang rinasanan, samalaning wang pegatan sih, yan metemu, tan urungan pacang pejah.
37. Dewi Madri oseking cita, winarah pegatan kasih, angembeng-ngembeng yeh panon, kadi mina kapegatan warih, kadi kembang sari, kaya raras kapegating susu, apan naro kasahing rita, mawetwa wuwuse manis, duh pukulun, baya pangendaning titah.
38. Hana katatwaning kuna , lampahira sanghyang Ratih, tinilar dening hyang Smara, sira tuladan puniki, lilayang kayune mangkin, yen mati awos salulut, ing wang tumut ya satya, anut saparaning mati, nadyan lebur, nasarin cambra gomuka.
39. Mangkana sembah sunita, palungguh Sri Narapati, sang Pandhu mawuwus alon, kedahatan sih maskuari, astiti ring guru laki, kita tan dadameng hayu, parang amuktya niskala, sakala pareng anami, ala hayu, akaruan ring alaha.
40. Nahan ikana ling ngira, tumulih sighra pamulih, tangeh kalangen ring marga, tan Iangen denira laris, sigra dateng greheng kalih, Sri Patah asru sira nungsung, saha semita hatur bhaktya, kamayangan wawang prapti, mapa ratu, kena inulating wana.
41 Sang awuwus winuwusan, dhuh ratu mas mungwing puri, purinnikang sang kalangon, langening Kusuma sari, sarining butaka merik, mreking jangga mure rebuk, rebuking sarwa puspita, puspita tandanging kingking, kingking ingsun, ingsun andasan mata.
42. Sanmatanen ingsun tuan, katuwon lara kapriatin, hatiningsun lara osah, osahing cita kapatin, tan urungan pacang mati, patin kaawos salulut , luluting cita ring ngwang, ningwang ngaturang hurip, urip ingsun, ingsun rengene tuwan .
