Kunti sampun garbinja , tan warnena ring Hastineka.
10. Kocap ratu ring Mandhara, mraja salwa, tiga sanak mengku bhumi, galingsa sira pangulu, pamruju sira jalwangsa, padha dibya, mangrenga sang Bhisma nusup, kocap sira nangun tapa suwya sampun ninggal bhumi.
11 . Rinasa denasa salwa, rsi Bhisma, sampun angemasin pati, menget ring wirange dangu, kasoran sira mayudha, de sang Resi, mangkya sira tan akantun, kewalyana raja putra, sira kinon nyahra bhumi.
12. Apan ta sira Drestarastra, sira bhuta, Pandhu lumah sawang kedi, Widhura jokaning pupu, tan yogya sira sungsungen, dening jagat, Ratu Cedangla puniku, mangka pangideping Salwa, pisan walikana mangkin.
13. Mijil sira ring paseban, sira gung, pinareking anten kalih, tanda mantri sira adulur, manggala sang Jayasota, jaya sora, Sri Raja Salwa amuwus, arah kita Sota Soro nghulun praya ngrundah bhumi.
14. Atagana punang wadwa, kon umetu, andenan sarwa sayaki, sregep sabhusanan ipun , katekeng kuda tata liman, padha sadha, Jayasota nembah matur, singgih wecanan narendra, ring endi sajnya angrasukin.
15. Sinawuran de sang Natha, karsan aku, ngrusakaneng Hastineki, amales wirange dhangu, ta mangke remekana, ratu hina, codangga tan yogya sungsung, Toyosota matur yogya, tantwana watek bupati.
16. Hana bretya kaprecaya, komon dhuta, matureng watek nrepati, lunga sira wuwus rauh, matur, singgih Sri Narendra, sama natha, padha turuting saprabhu, kewala Madra Wirata, Pancala ring Hastineki.
17. Gandhara manganti tengah, sasing labdha, yeku sajnyania ngrowangin, andaka Bhoja Wresniku, sakuwubing Yadhupura, kari adhuka Sang Kakarsana Kresneku, Rara wus mrejaya bangsa, hilangeng pamreman latri.
