59. Mangke bapa panggila tan tuteng kita, pan bapa semaya ring ari, sirang Darmadewa, kon nami ngladewa kita, yan sampun kita agareki, ya praya nyadma, bapa milu anuta nadi.
60. Maka janmangkua trinadi taya kita, dharma dewa jiesta nadi, bapa maka rua sraya, yan hana sutanta dlaha, lepaning asta aciri cap nama gada, cap setiaka bapa nadi.
61. Rika bapa mulih anembaheng kita, silih turupana bakti, sampun ta tri gara, hana dewa praya nyadma, ruang puluh lima jaler istri, dadi sutanta, wangsa swaminta maka tri.
62. Mangke kita lunga wana wasa tirta, bapa dulurana laki, pareng nggwaning tirta, ring hurdah nikang parwata, hana tirta tyanta suci, miliring sela, rasania marum amanis.
63. Tan adawa wuwus bapa kita lunga, sang Kresna asawur singgih, antyan sih murindra, yan sawang hulun Iwir kumbang, budinia anawan sari, resi pwana, teka mawa gatraning sari.
64. Teka lampah pada karo tan warneng hawan, datenging tirta kang suci, wuwus binusanan, makuta rua candi bentar, lwir hyang Wisnu Brahma kalih, jinaya jayan, denira sang resi kalih.
65. Wus mayoga muang ngawuwus resi, karna aum-aum tanaya mami, mulihana bapa, rahayua nikang jagat, mangke bapa praya mulih, tinggaleng kita, pungkuran malih kapanggih.
Puh Pangkur
1. Nahan nikana ling niran, nrepa karo, wawang sira nganjali, sang resi ret suksmeng gunung, katakna sakwehing matian, rika sami, pitrania ngiring sang mpu, dadi gandarwa prasama, mulih mungsyeng gunung Kawi.
2. Mangkya sirang nararya Kresna, Kakarsana, kadi sinalinan kapti, dasa guna ikang tanu, tan hana ya kala-kala, wawang madeg, sang Kresna Karsana laku, tatan kawarneng hawan, prapta ring pukahing wukir.
43
