Kaca:DASA PANDAWA.pdf/48

Kaca puniki kavalidasi

saling nirang sang Jalwangsa, wus tinata dululur simsim.

28. Kaprebekan manah bungsang, swe tan sawur, pan kari maraseng hati, kang ceti ko wawang matur, singgih dewa sasuhunan, paran sajnya, yan asih lawan tan pahyun, wuwusana juga dewa, asur sangapti nganti.

29. Syuh rempuh hredayana, kari magantung, lalityeng yayah lan bibi, rinaket pancendriyeng hyun, nging widagda ngubda smita, dadi ngucap, mangke gantian ingsun nantu, kita rarapanirang ngwang, sun suka astyeng simsim.

30. Simsim rinasuk ing tangan, ngawe lulut, rosning asta galing-galing, jnji rurus anrang bakung, nakania lwir manik toya, anggang lunggang, rupiting naroja gemuh, ande rumning klapa danta, wetise anrang ketaki.

31. Sayan maweweh kasmaran, nikang tanu, wawang sira anantweki, siapa haran sang bagus, sang hinujaran hatur sembah, parab ida, sang Jalwangsa Wliaderi prabu, arinira mnara nata, praya angaturang hurip.

32. Meneng sira raja jwita, maras lulut, citania asemu isin, kancit Jalwangsa jumujug, sang Diah wawang manantwa, duh sapa ya, kurang cipta tan pasadu, naywa wang kapalingan, kon atinggal ayua kareki.

33. Dadia langgia parekang ngwang, budinantu, agung dosa kurang hurip, masa gonjah sun de mu, yake rupanira hina, widia prapta, amrih kasantanireng sun, sambawa kasideng cita, kita murka tan pakerti.

34. Jalwangsa rumasa-rasa, susatyeng hyun, lwir kumbang anemueng sari, kapanang ya ningal santun, yan tan sida rinasanan, manging ika, tan surud anambung-bambung, dyastu rebutan jurunia, yen sampun kasidan kapti.

35. Mawetua wuwus arawa, manurwarum, singgih dewa sang lwir sasih, pangembaning sakalangun, panghyaning masa kartika, tan len dewa, hilanganing manah sungsut, uraping wang hina kaya, maka mretanikang bumi.

47