36. Kasantawya ingsun tuan, amrih Julut, jati tunggeng amekul sih, lwir satali telebweng banyu, kita suka manggiha, aweh jiwa, sahuripa kari amekul, praya nadah wara mreta, nging ya sinamian kapti.
Sinom
1. Nahan wuwus wladrinata, angetus kayun ngalap kasih, sang Diah rumengwatur pamlako, asengit denia anawurin, nging samatra gleng ring alis, sih langenia karyeng tanu, ih Janggana mucaping ngwang, tan kramaning ratu lewih, masa kimud, hulun maring kasukanta.
2. Bina yania tuhutama, sulaksanania met rabi, hinania sih sama anom, madia winong de bini aji, hutamania tuku jurit, kadi lampah Bisma nambut, putrinira cedia raja, yeku yogya yan tinirui, hurip lampus, pinuji wang sanagara,
3. Nahan wuwus sang inajnyan, Jalwangsa rumaseng hati, ngasih-asih ngucap alon, singgih sang mastikeng padmi, tulusana sih maskweki, kita andadameng hulun, tan hana binaning yogia, manggala arda nareswari, tan len ibu, maka dadi sudang manah.
4. Yan sampun sadmateng tuan, tan angen-angen ing hurip, atoh jiwa ring sang anom, rinebut ring udyana iki, mati rinagan maskuari, yan sampun kita salulut, dyastun karem ing gohmuka, binanda de Yamapati, tan asungsut, yan suda kalawan karsa.
5. Sang Diah parengsih antaka, ring apa hyunta anyadmi, dadi kusuma sang anom, kakanta brahmana dadi, tan wareg angisep sari, yan kita dumadi ranu, ningwang dadi sarwa mina, suka yan atunggweng warih, yan sitangsu, kakanta dadi akasa.
6. Kuneng sahelwaning lampah, mangde pareng anandangin, aroken jiwa karo, dyastu ping sapta anyadmi, patemwaning pati hurip, tansah masku ibu, apan dewa yan tuduha, ningwang atemwa maskuari, duh pintuhu, wehana sih sang
48
