mapinta.
7. Nahan wacana nararya, widagda angasih-asih, sang Diah leng-leng sira tumon, rasania mametiking kapti, yan pindaken sajnya dewi, lwir catakatawan banyu, kalaning ngganajia, masa, Jalwangsa pawaking riris, ngawe lipur, sang Diah wruhing cestakara.
8. Bangun sira ngawe raras, asmita rasa ngudiding, sru kinualat de sang katong, cinelupaning panti alit, sang Diah angsah anangis, sang Jalwangsa ngukut-ukut, aurahan maring taman, watek kadang ceti dewi, mapilayu, matur ring sang kasiraja.
9. Sadatang cetia ring kuta, ararem atur wot sari, sang prabu wawang wacana, apa awanta prapti, paran anak inulati, ulate tandang kabisun, matur singgih narendra, ksakakna manah haji, suta prabu, winalat rajia taman.
10. Arinira Salwanata, Jalwangsa nateng weladri, sira watek sang anom, sinuru waweng panti alit, sang prabu kroda Tumengut, kaya dinedal ikang tanu, kumedut abang ring jaja, mata kumlah asemu bahni, genjor suku, muka Iwir raseda wandala.
11. Wawang mijil metueng apisan, sinang sipta tenaya kalih, kakang nira de sang anom, Puspasena yan pangasih, ari Diah Puspayudeki, sang prabu wadana wuwus, Puspasena puspayuda, awasen panake reki, yapin lugur, denirang Weladri nata.
12. Nrepa karo hatur sembah, singgih pukulun sang haji, amwit anak haji karo, peraya atanding kawanin, sakwehing Weladri pati,yadin kanti watek ratu, pan akweh ratu ring taman, tan sangsaya ranak haji, prabu wuwus, bapa suka satyeng suta.
13. Pareng tri mijiling sabda, abusana denia wingkis, ada mara nepak gendong, geger watek Kasipati, anyujur sabda nrepati, hebek tekeng alun-alun, sama nata mantri tanda, manggala patih jayanti, Jayasunu, wiradana sudasena.
49
