singsal wang arabi, yan sampun pada salulut, Sri Durmaka wawa ngucap, awasana sang mahayati, muang sri prabu, yogia tuten Salwanira.
22. Sawur isang Wantiraja, yukti ling sri Utaraji, yogia lampah haneng duta, matur ring jeng mahayati, tan warnen duta wus laris, tucapan sri mnaraprabu, sampun kumpulaning bala, sawonging mnara lan Weladri, yatna kukuh, nganti dateng parang muka,
23. Rahina tatas kamantyan, dateng sawong kawipati, rampagen pareng udyana, masurak awanti-wanti, sinamyaning sang kaberi, mredangga muni kumrutug, muang gretning kuda liman, kaya amlinging karneki, dadi sapiuh, patemun ikang bala salaga.
24. Rame kang prang silih tujah, silih panah len nyuligi, hanan rukit silih gorok, len amasar silih ungsi, ana mrang silih mrangi, tan ngeh ya ngemasin antu, tan hana budi mundura, pada dira dreka budi, kadi alun, pinapaging jladi pasang.
25. Tan warnanen sang haneng laga, ucapa sang Bisma Resi, sampun dinata de duta, sasolahe ring udyani, sigra sira ya lumaris, iniring dening Sri Pandu, mulu Sri Nararya Widura, duta mawa pamucangi, kaget rawuh, sang Resi ring rana taman.
26. Mendek sakwehing malaga, ton sang resi sira prapti, baskara sedeng prabata, kayamakon mararyani, sang resi anabda aris, paran temunta ajurit, duh kita wang aprang iku, lah pada raryana sira, bina puput, sang aprang samia lungguha.
27. Pada rumasang ing rita, mimenga ling mahayati, kewali angen-angen mangko, kadang warga kueh mati, ada praya angusungi, len paksa amawa mantuk, hana nangis amelas arsa, sang resi awelasing hati, dadi awuwus, duh kita ayua lara,
28. Mangke hulun asung jiwa, sakweh ikang lara mati, wawang senirating mreta, denira sang mahayati, murip sahananing
51
