dewekan. Rauh titiange meriki, nyadia nunas dunungan ring Jero naga."
"Inggih kenten ja meriki sampun sareng titiang". Dadi di tu lantas Ida Raden Galuh malinggih , tingkah buka anake masemeton ajaka i naga. Ida Raden Galuh kaukina Ni Ketut Waluh, i naga kaukina I Naga Lolok . Ngandika I Naga Lolok teken Ni Ketut Waluh,
"Adui Ketut Waluh, dong kema Adi nyakan ! To ditu di pulune jemak baase. Palehihin men nyakan, nyang dasa catu!"
"Inggih Beli". Nyakan kone lantas Ni Ketut Waluh dasa catu, dadianga limang kuskusan. Di subanne lebeng nasine, kaukina lantas I Naga Lolok, nasine ane akuskusan dadi agelekan.
Kacrita makelo suba Ni Ketut waluh ditu saling trenain ajaka I Naga Lolok . Sedek dina anu , morahan kone i naga teken Ni Ketut Waluh,
"Adi Ketut Waluh, Beli lakar ngalahin Adi luas miasa ka gunung,jumah men Adi keneng-kenengin!"
"Nggih las ja kayun Beli ngalahin tiang, merika sampun Beli lunga." Masaur I Naga Lolok,
"Sing ja keto Adi, Beli anak sing ja ngenehang dewek Beline dogen. Mani puan sadia lantas Bell maan yasa, ditu belog Beli nunasang Adi, apang mangdenne suud mala buka kakene nyuun waluh". Keto abetne I Naga Lolok.
Kacrita majalan lantas I Naga ngungsi gunung. Tan kacrita di jalan, kacrita napak kone suba I Naga Lolok di pucak gununge, ditu lantas I Naga matapa. Suba makelo I . Naga Lolok matapa, dening kapagehanne, lantas tedun Ida Betara Guru ngicen I Naga Lolok sasupatan, kene pangandikan idane,
"Cening Naga Lolok, pageh pesan Cening miasa dini. Nah jani Bapa nyupat Cening, apang mangdenne Cening suud magoba naga." Keto pangandikan Ida Betara Guru tur lantas ida mawastu I Naga Lolok apang mrupa jlema buka jati mula. Dadi keles lantas kules i nagane sakabesik, tusing ada duang pakpakan base , suba kone marupa jlema buka jati mula. Suba keto, ngandika buin Betara Guru,
"Nah jani Cening suba supat malan Ceninge ane ajak Cening di taman, buin pidan ulihan Cening lakara ia maan sasupatan . Nah jani kema suba Cening mulih ! " Keto pangandikan Ida Betara Guru, lantas ida ilang.
124
