Kacrita Ida Raden Mantri mamarga ngamantukang makta kules nagane. Tan kacrita di marga, kacrita rauh kone suba di taman. Sarauh idane di taman, dapetang ida Ni Ketut Waluh sedek di pamereman ngancing lawangan. Lantas makaukan Ida Raden Mantri,
"Adi Ketut Waluh, bungkahin Beli jlanan!"
Masaur Ni Ketu Waluh,
"Sira nika kauk-kauk?"
"Beli I Naga Lolok."
"Nguda len munyin I Naga Loloke. Niki ngudiang mirib munyin manusa." Masaur Ida Raden Mantri,
"'Beli suba I Naga Lolok . Beli nak suba maan sesupatan, ampakin Beli jlanan ! "
"Mndah tiang nenten ngugu!"
" Nah te pesu tegarang Adi!" Keto pangandikan Ida Raden Mantri, medal lantas Ni Ketut Waluh. Dadi tengkejut lantas Ni Ketut Waluh, ban anak bagus ngaku I Naga Lolok. Lantas ngandika Ida Raden Mantri,
"Adi, da ja Adi jejeh. Beli suba nyaman Adine I Naga Lolok. Lamun Adi tuara ngugu, ne apa kules bline." Keto pangandikan idane saha ngedengang kule ngane. Dening keto mara kone NI Ketut Waluh ngugu .
Kacrita buin maninne, Ida Raden Mantri makayun mantuk ka puri, lantas ngandika teken Ni Ketut Waluh,
"Adi, Adi, Beli ka puri tangkil teken Ida Sang Prabu, Adi da men kija-kija!"
Nggih Beli, da nyen makelo Beli ditu".
"Nah." Mamarga lantas Ida Raden Mantri. Di subanne Ida rauh di puri, ledang pesan Ida Sang Prabu miwah prameswari, sawireh putranidane suud marupa naga. Ngandika Ida Sang Prabu,
"Cening Nanak Mantri, ada sesangin Guru muah Biang Ceninge teken Cening. Yan Cening bisa dadi jlema buka jati mula, Guru masanggup lakar ngotonin Cening gegeden. Nah jani ane buin pitung dina jani lakar taur munyin bapane ento." Keto pangandikan ajinida.
Kacrita suba sanja, mantuk lantas Ida Raden Mantri ka taman. Kacrita sabilang semengan kone Ida Raden Mantri mantuk ka puri, nyanjaang mara kone ida tulak ka taman. Dadi mataken
125
