kone Ni Ketut Waluh teken Ida Raden Mantri,
"Beli-beli, ngenken sih Beli dadi sai-sai ka puri?" Masaur Ida Raden Mantri,
"Beh , anak Beli anggena parekan sayang tekan Sang Prabu. Sawai-wai Beli ngandikaang ngayah, sawireh ida lakar makarya ngodalin putranidane, Raden Mantri, ane buin petang dina jani." Matur Ni Ketut Waluh,
Lamun kenten tunasang tiang benang teken Ida Sang Prabu! Beli raga dadi parekan sayang, sing ja icena. Dot pesan ja tiang malajah nunun. Bakal anggen kampuh, singnya kaget pragat apa buiin petang dina, sing ada kampuhang beli ngayah di karyan idane. Masaur Ida Raden Mantri,
"Beli nyak lakar nunasang benang, sakewala kaicen tan kaicene tusing karoan. Ada ja bagian Adi, kaicen. Da Adi kendel. Ditene, da Adi nyebetang." Keto pasaur idane, meneng kone I Ketut Waluh.
Kacrita buin maninne, semengan kone suba Ida Raden Mantri lunga ka puri. Di makiken idane mamargi, ngandika ida teken Ni Ketut Waluh,
"Adi, Adi, Beli ka puri, nongos Adi dini, da men kija-kija. Nyanan tunasangaja benang."
"Inggih Beli".
Kacrita di subanne Ida Raden Mantri medal, kene kone kayunne NI Ketut Waluh,
"Bih dadi tra baanga kija-kija ja i dewek teken I Beli. Sing kodag ben bas kene ngrukruk dogen dini, pesu ja akejep malali, kenapa kone". Keto kayunne Ni Ketut Waluh tur lantas medal, ngojog kone ka pekene. Anake rµameken, dening tumben nepukin anak nyuun waluh makah pasaranting, dadi buud kone makoengan ban ngonne. Dagange nganti ngutang-utang padagangan kone ngmyung Ni Ketut Waluh. Anake ngamulihang uli peken, nganteg kumahne nu dogen ngomongang Ni Ketut Waluh. Dening keto, kapireng lantas teken Ida Raden Mantri, unduk Ni Ketut Waluhe dadi pabalih-balihan di pekene.
Nah kacrita jene sanja, mantuk kone Ida Raden Mantri katman makta benang, kapanggihin Ni Ketut Waluh sedek negak ngamengklokang di ambene, mirib mangenang unduke i tuni, ngandika lantas Ida Raden Mantri,
126
