2.8. RADEN MANTRI KORIPAN KASAKITAN ANTUK BETARA GURU
2.8.1. Teks
Raden Mantri Koripan Kasakitin antuk Betara Guru
Kacrita Purin Ida Sang Prabu Daha, Koripan, Gagelang muah Singasari, makejang kone paakan tukad Mandalane. Ida Sang Prabu Koripan madrue kone oka lanang adiri. Prabune ane lenan masih madrue oka pada masiki istri-istri. Dadi sabilang para putrane masiram ka tukade dogenan kone ida. Di subanne Ida Raden Mantri duur, begbeg matetulupan dogen kone karyan idane. Polih ida kedis abesik tununa kone ben I Punta. Sasubanne lebeng rayunanga kone teken Ida Raden Mantri. Di nujune ja liunan ida polih, icena kone panjak-panjak idane sabatek ane ngiringang ida matetulupan. Aketo dogen kone karyan Ida Raden Mantri. Ida Raden Galuh makatetelu masih suba duur-duur. Dening Ida Prameswari, biang Ida Raden Mantri nyingak okane suba duur, tur suba nyandang madrue rabi, dadi tarina Ida Raden Mantri teken biange, kene kone pangandikan biang idane,
"Cening Bagus, nah ne jani Cening suba madan truna, nyandang suba Cening ngelah kurenan, men kenken, ada kayun Cenin makurenan. Nah yen ada nyet Cening, ne ada misan-misan Cening tetelu, I Galuh Daha, I Galuh Gagelang, muah I Galuh Singasari tur masih suba banjang-bajang. Nah ento pilihin besik-besik, encenan demenin Cening, apang melah ban biang ngidih teken reraman Ceninge." Matur Ida Raden Mantri,
"Inggih Ratu Biang Suri, sampunang ja dumun Biang ngrerehang tiang kurenan, reh tiang durung pisan wenten manah ring anak luh. Manah tiange kari demen matetulupan ngrereh paksi. Samaliha kari demen tiang malit-malitan. Inggih benjang pungkur yen sampun tiang mamanah ngrereh kurenan, derika tiang pacang matur ring Biang ... Dening keto atur Ida Raden Mantri dadi meneng kone biangidane.
Sedek dina anu lunga kone Ida Raden Mantri matetulupan, kairing ban parekanidane, ane ngiring ida ibi puane. Mamargi kone ida nuut tukad. Kanti suba joh pamarginidane uli purine, tusing kone ida manggihin kedis nyang abesik. Da buin kedis legu kone tusing panggihin ida. Dening keto, dadi nglantas dogen ida ngula-
138
