lantas i parekan ngalih muncuk purus Ida Raden Mantri. Kanti suba nganteg kone di Singasari masih tonden kone tepukina tanggune. Dening keto malipetan lantas i parekan, ngaturang pajalanne teken I Punta. Buin kone ngewehang dogen I Punta makeneh, lantas dane ngenggalang ka puri ngaturang indik okane keketo teken Ida Sang Prabu. Wau Ida Sang Prabu mireng atur I Puntane buka keto, dadi sungsut pesan kone Ida Sang Prabu tur ida nangis. Ida Prameswari ngelisang lantas ngandikaang panyeroane ngae banten lakar nglemapana teken Ida Betara ane nyisipang okanidane. Len ada buin kandikaang ngaturin Ida Pranda katurin nenungin okane. Ngenah kone okane kasakitin antuk Ida Betara Guru tur buin pidan lakar kasupat ban misanidane, Raden galuh Daha, Galuh Gagelang muah Galuh Singasari. Sasubanne Ida Prameswari mantuk tur kayun Ida Sang Prabu suba ledangan, mamargi lantas ida sareng rabine ka tukade ngrereh okane. Sarauh idane ditu, suba kone melinng Ida Raden Mantri teken raga. Mara cingakina ajine kalih biange rauh, nangis lantas Ida Raden Mantri. Ngandika Ida Sang Prabu ring Ida Raden Mantri,
"Nanak Bagus, ne kanapa teka dadi nanak Bagus buka kene. Singa nanak Bagus taen ngraos ane tan rahayu keto dini? Melah-melahang te keto kayune Cening!" Ida Raden Mantri ngaturang indik idane makejang. Nah jani mapawilangan lantas Ida Sang Prabu ring pepatihidane. Kene pangandikanidane,
"Patih, men jani kenken baan madaya, kene keto I Nanak Bagus, budi ngajak mulih tusing nyidaang, tegarang pesuang paitungane, Patih". Matur I Patih saha sembah,
"Inggih Ratu Dewa Agung, titiang matur sisip ring Palungguh Cokor I Dewa. Sakadi mangkin tan wentervpisan titiang madrewe pawilangan punapa-punapi, antuk tambet manah titiange. Inggih ledang te pakayunan Palungguh Cokor I Dewa kewanten".
Nah lamun keto ja, dini suba di sisin tukade gaenang Nanak Bagus rerompok, apang dini malu ida miasa. Mani puan, dong masupat ja laranidane.
"Inggih asapunika ja pakayunan Palungguh Cokor I Dewa titiang ngiring". Keto atur I Patih. Ngandika buin Ida Sang Prabu teken okane,
"Nah to keto Cening Bagus, jani dini suba malu Cening miasa. Bapa gaenanga Cening rerompok dini di sisin tukade, buina bapa
140
