ngandikaang masih panjak-panjake apang ngemit Cening dini. Nah mani puan tan wangde lakara masupat laran Ceninge, ane nyupat Cening sing jalenan, tuah misan-misan Ceninge makatetelu."
"lnggih titiang ngiring, Ratu Guru Aji". Keto atume Ida Raden Mantrisambilang ida nangis.
"Patih, dong kema suba tunden panjake ngae reompok."
Keto pangandikan Sang Prabu teken i patih ngengalang lantas dane ngandikaang panjake.
Kacrita pragat kon~ suba rerompoke tur Ida Raden Mantri suba kalinggihang ditu. Suba keto, mantuk Ida Prameswari. Ida Raden Mantri tusing kone ida mrasidaang matangi, dening puruse kliwat lantang, yan wataraang ada jenenga domas depa, membatan nuluh tukad ngatebenang.
Jani critaang subake suba tuun magae, dadi yehe di tukad Mandalane gede dogenan buin ning tur nyeng. Dadi sabilang Ida Raden Galuh makatetelu masiram ka tukade doehan, kairing ban panyeroanidane. Nuju Ida Raden Galuh daha makerem, ban ledang kayunne polih toya nyeng, sing kone cingakina purus Ida Raden Mantri. Dadi keni kone Ida Raden Galuh kajamah antuk Ida Raden Mantri, mawanan kantu lantas Ida Raden Galuh. Mara tingalina ban panyeroane Ida Raden Galuh buka keto, dadi makuwewengan kone ia,
"Be, ne kenapa sih Ida Raden Galuh, Ngemban. Apa sih nyegut ida dadi teka ida kekene. Tegarang kema alih-alihin singa lelipi nyen nyegut ida. Dadi teka pesu getih Ida Raden Galuh?" I Ngemban ngenggalang kone ia natasin, nangingke tusing tepukina apanapan.
"Me, ne kenkenang tiang men jani, nyanan kenken nyen ban ngaturang teken Ida Sang prabu kene keto okanidane, Ngemban?"
"Ida Ratu Ayu, Ida Ratu Ayu matangi Cokor I Dewa, becik-becikang kayune ! Sapunapi Cokor I Dewa, dados Cokor I Dewa asapuniki. Napi nika nyegut Cokor I Dewa?" Nu kone Ida Raden Galuh nglepeang. Ngomong buin I Nginte,
"Ngemban, jalan ja suba gosong Ida Raden Galuh ajak ka puri!"
"Jalan".
Keto pasautne I Ngemban tur lantas Ida Raden Galuh
141
