gosonga ka puri. Teked di puri, aturanga lantas keto teken i penyeroan. Mawanan nangis lantas Ida Prameswari gelar-gelur. Ida Sang Prabu bengong dogenan kone ida nyingak okane buka keto. Epot kone penyeroan makejang, ada nyimbuh, ada ngodakin, len ada ngilihin Ida Raden Galuh. Nyanan-nyananne meling lantas Ida Raden Galuh tur ida nangis. Sasubaqne melahan kayunidane, takenina lantas Ida Raden Galuh teken Ida Sang Prabu, kalih Ida Prameswari, mawanan ida buka keto. Ida Raden Galuh ngaturang saindik-indik idane tur masih katurang buatne ida dugase ento tusing ja nyingakin nyen-nyen. Uli sekat ento sing kone icena Ida Raden Galuh masiram buin katukade .
Critaang buin manine Ida Raden Galuh Gegelang kone masiram ka tukade . Masih keto indik idane patuh buka indik Ida Raden Galuh Dahane. Ida Raden Galuh Singasari masih patuh indikne buka misanidane makadadua. Di subanne pada ledangan kayunne lantas pada saling papetin surat kone Ida Raden Galuh makatetelu ngaturang indik . Dadi patuh dogen kone daging surate makatetelu.. Dening keto, ngon pesan kone kayunidane makejang. Sawatara ada jenenga abulan makelonne uli sekat idane kantu ngidam kone lantas Ida Raden Galuh Daha, Ida Raden Galuh Gegelang, muah Singasari. Makelo-kelo ngangsan gede dogen wetengidane pada. Dadi meweh kayun Ida Sang Prabu ajin-ajin Ida Raden Galuhe tur lantas Ida Sang Prabu mapawilangan. Pawilangan Ida Sang Prabu sing ja len, buatne okane pacang kagenahang di alase, dening merang idane madrue aka mobot tusing madrue rabi. Suba pada igum pawilangane buka keto, lantas Ida Sang Prabu ngandikang parekane ngae gedong di alase marongan tetelu. Sasubanne pragat lantas Ida Raden Galuh makatetelu klinggihang ditu, tur kaicen masih panyeroan pada mabesik, muah bekel lebeng matah. Nangis dogen kone Ida Raden Galuh makatetelu ditu, dening meling ida teken kasangsaran ragane, tuara uningina anake ane ngranaang ida buka keto . I panyeroan kenyel kanti suba ia mapasihin, mangdenne suud ida sungsut .
Kacrita Ida Raden Mantri sasubanne ida polih ngambil Ida Raden Galuh makatetelu, ngangsan mawakang dogen purusidane, makelo-kelo suba kone buka jati mula. Ledang pesan kayunidane jani, dening suba masupat laranidane tur lantas ida mantuk ka puri Koripan, kairing ban I Punta muah panjakidane. Beh, ledang pesan
142 .
