"Nah Putu Galuh jani Nini ngalahin Putu Galuh mulih ka suargan, dening panak Putune suba lekad. Nini tusing ja dadi makelo ngoyong dini, krana yan ada anak lenan nawang Nini tengab dadi Nini, buina Nini nuturin Putu Galuh jani ne te bobotan Putune, tusing ja anak lenan ngelahang, tuah misan Putune I Mantri Koripan. Cening juanga di tukad Mandalane, mawanan Putu nyeleati ditu. Dugase ento misan putune kasangsaran, miasa ditu di sisin tukad mandalane paakan Koripan. Dening ia kasakitan ban Ida Betara Guru. Mawanan I Mantri nyidaang nyamah Putu ban purusne dawa pesan. Buin pidan di suban anake cenik matuuh abulan pitung dina, bisa lakara Putu Galuh matemu ajak misan Putune."
Keto pangandikan dedarine makejang teken Ida Raden Galuh makatetelu, tur di subanne mituturin keto, lantas dedarine ento makeber ka suargan. Jani dunduna kone lantas panyeroane. Mara ia bangun, ngon kone ia, ban anake alit suba embas tur mokoh-mokoh maplogplogan. Suba keto, lantas ia panyeroan makatetelu pada negesin anake alit tur kapretenin. Matakon kone panyeroan Ida Raden Galuh Dahane teken timpalne,
"Embok Wayan, apana anake alit ditu?" Masaut panyeroan Ida Raden Galuh Ggelange,
"Lanang nyang Ketute. Men di tu apana?"
"Masih lanang."
Keto pasautne penyeroan Ida Raden Galuh Dahane. Buin matakon ia tekan panyeroan Ida Raden Galuh Singasarine,
"Ento te I Made, apana anake alit ditu? Lanang embok Ketut".
"Be, ne makejang ja lanang. Nang tegarang mai ajak anake alit!" Mara i panyeroan ningalin anake alit-alit makatetelu, ngon kone ia pada, dening waman anake alit patuh pesan. Ngomong i panyeroan Daha,
"Beh, ne patuh pesan ja warnan anake alit makatetelu, abedik tusing ada lena. Yan kenehang icang pedas suba ne pagaen anak abesik". Masaut ane lenan,
"Oo, saja tang Embok, icang to masih keto nyete". Suba jene semengan suud kone suba mateiah-telah. Ledang pesan kayun Ida Raden Galuh makatetelu, dening madrue oka lanang tur moglong-moglong. Matur lantas i panyeroan ring Ida Raden Galuh,
144
