"Man asapunapi mangkin pakayunan Cokor I Dewa sampun madure oka, aturang titiang mangkin ka puri ring Ajin Cokor I Dewa?" Ngandika Ida Raden Galuh,
"Ah papak kencanang nyai. Buin pidan dong ada yang parekan mai ngabaa.ng bekel, ditu apanga ia ngaturang teken I Aji. Oyongang suba iban nyaine dini, yan nyai ngalahin ka puri, nyen ngencanin nira dini. Kene keto paturu brengkat". Dening keto pangandikanne Ida Raden Galuh dadi buung i panyeroan ka puri '.
Critaang jani Ida Raden Mantri Koripan makayun lunga kalase maboros. Ngandika ida teken I Punta,
"Paman Punta, jalan ja kalase maboros kidang. Dija sih ortane liu ada kidang, Paman?" Matur I Punta,
"Bah, yan asapunika ja pakayunan Palungguh Cokor I Dewa, irika ring alas dahane makeh wenten kidang ring majangan. Ngiring san mrika maburu."
"Nah kija ja keneh Pamane nira nyak. Dong kema arahin juru borose makejang, apanga ia mataki-taki!" Majalan lantas Ida Raden Mantri kairing ban juru borose. Sasubanne makejang suba pada tragia, ada ngaba jaring ada ngaba panah, ada nandan cicing, len buin ada ngaba bekel, mamargi lantas Ida Raden Mantri kairing ban juru borose ada ajaka telung dasa. Sasubanne ida rauh di alase, manggihin lantas Ida Raden mantri tongos, laad kidange makipu. Ngandika Ida Raden mantri,
"Paman Punta, dini suba pasangan jaringe".
"Inggih". Keto aturne I juru boros makejang lantas pada masangang jaring. Mara suud masangang jaring, ngenah lantas ada kidang, manjangan , mapunduk ajaka liu. Ento lantas dedehanga aji cicing, apang nuju jaringe. Rengas lantas kidang manjangane tur nomplok jaring. Maan kone kidang dadua teken majangan tetelu. Ngandika Ida Raden Mantri ,
"Paman Punta ne kelanan suba tengai buina suba maan kidang, jalan ja suba madaar, nira suba seduk!"
"lnggih , ngiring Ratu Raden Mantri ". En tote pada juru borose, kema gagah-gagah suba bekele, daarin malu ibane suba tengai. Suud madaar, jalan men mulih!" Keto pangandikan Ida Raden Mantri tur raris ida ngrayunang kairing ban I Punta. Panjake lenan makejang masih madaar. Dening ida tuara makta toya, ngandika
145
