Dening keto, mamargi lantas ida kairiing ban panjakidane i juru boros ka pondok La Raden Galuhe. Kidange muah jaringe masih abana kone kema.
Dugase Ida Raden mantri mara rauh ditu Ida Raden Galuh sedek di pamereman. Dadi Ida Raden Mantri kasapa bani panyeroan saha sembah. Ngandika Ida Raden Mantri,
"Meme-meme, ento dija I Adi Galuh makatetelu dadi tusing ngenah?"
"Ida ring pamereman, Patu Raden Mantri".
"Kema aturin gustin Memene aturang nira teka!" Aturina Ida Raden Galuh teken i panyeroan. Medal lantas Ida Raden Galuh tur kasapa Ida Raden Mantri sareng arine makatetelu mabebaosan, pada nakenang paundukan. Dadi ngangken Ida Raden Mantri yeh anake alit makatetelu tuah pakaryanida, duke Ida Raden Galuh makerem di tukad Mandalane. Mara talektekang anake alit tekan lda Raden Galuh, abedik kone tusing ada binana teken lda Raden Mantri . Dadi nagis Ida Raden Galuh makejang, eling ida teken kasangsaran ragane. Ida Raden Mantri masesehin arin e makatetelu. Di subanne pada ledang kayunne, lantas Ida Raden Mantri ngandikaang i panjak nampah kidange aukud , kandikaang ngae anyang muah jejatah . Suoa leneng, ditu lantas Ida Raden antri marame-rame ngajengang sareng arine, kairing ban panjake makejang.
Gelising satua di subanne Ida Raden Mantri makatelun ditu, lantas ida ngandikaang I Punta ka puri ngaturang uninga teken Ida Sang Prabu muah Ida Prameswari tur apang ida kapendakin kema. I Punta majalan.
Kacrita suba teked di puri , lantas katurang indik Ida Raden Mantri. Beh ledang pesan kayun Ida Sang Prabu kalih Ida Prameswari , lantas prajanian ida ngandikain panjak-panjakidane, kandikaang mendak Ida Raden Mantri kalih Ida Raden Galuh makate-telu. Majalan lantas panjake mendakin, ada ngaba jempana, nandan jaran, m uah ada ngaba pajeng agung.
Gelising satua, kacrita suba rauh Ida Raden Mantri sareng arinida Ji puri, ledang kayunidane nyingak oka muah anake alit-alit. Ditu lantas Ida Raden Mantri kakaryanang banten pabuncingan. Dening ida jani lakar pabuncinganga teken arine makatetelu. Ida Raden Galuh Daha kone anggena rabi paling duur, ane paling
149
