Kacrita jani Ida Raden Mantri Koripan, tan pawanan tur tan pairingan, ida nylib makaon uli di puri. Mawanan sungsut kone Ida Sang Prabu kalih Prameswari muah saisin purine makejang. Suba kone ida nedunang panjak ngruruh Ida Raden Mantri, nanging tusing ada ne nepukin.
Tan kacrita totonan kacrita pamargin Ida Raden Mantri menek jurang tuun jurang, suba joh manggihin lantas ida jeron dewa. Dening lesun idane bes sanget, ditu lantas ida mararian merem. Mara ida masriep, mireng lantas suara buka ngramange.
"lh ne I Putu Mantri, dadi Putu dini merem. Sing katawang misan Putune I Ga,luh Daha kasakitan. Bangunang dewek putune, kema alih . Ne tutug rurunge beneh kaja. Nanan tepuk misan putune ento, nangingke ia kanerakan, marupa kedis cengkileng!" Keto suarane pirengang ida. Lantas ida mamargi beneh kaja.
Kacrita rauh lantas Ida Raden Mantri di kubun I Truna Tuane, tur panggihin ida I Truna Tua sedeng gatina nulupin I Kedis Cengkileng.
"Nah ne te ada anak cerik teka. Tulungin ja Kaki, tulupang kedise ento . Bayun Kakine suba telah ngencanin kedise ento uling semengan. Yan sing Kaki bas jengahina gati teken kedise totonan, sing kene apa saat Kakine". Keto abet I Truna Tuane, masaut Ida Raden Mantri,
"Kaki lamun nyak ja Kaki ngajak tiang dini, tiang nyak nulupang".
"Ne Sening nyen ne sih" .
"Kaki, tiang jelema sing karuan-karuan. Tiang sing nawang adan, meme bapa tiang sing nawang . Inget tiange te suba di rurung-rurunge,sing jalan-jalan nongos .
"Nah lamun keto ja, dini Cening nongos ajak Kaki. Nah dong ne tegarang tulupang Kaki kedise ento!" Keto abetne I Truna Tua saha ngenjuhin Raden Mantri tulup. Ida lantas jani nulup I Kedis tusing kena, ditu lantas ida ngandika,
"Ye Adi, dadi Adi celih gati . Adi tuara nawang Beli. Beli anak nawang Adi". Keto pangandikan ida, lantas buin tulup ida i kedis, lantas i kedis ulung maglebug, engkag tangkahne, lantas i kedis dadi jlema, Raden Galuh Daha. Ditu lantas Ida Raden Galuh saupa teken Ida Raden Mantri ajak ida kampik kubun I Truna Tuane. Ngon pesan kone I Truna Tua ngenehang unduke ento. Nah di-
165
