tu lantas Ida Raden Mantri kalih Ida Raden Galuh malinggih, kanggen cucu ben I Truna Tua.
Kacrita suba jene makelo Ida Raden Mantri kalih Ida Raden Mantri kalih Ida Raden Galuh malinggih ditu, ada lantas pangandika pirenga teken Ida Raden Mantri, ngandikaang sang kalih apang mantuk ka Koripan, dening aji miwah biang idane di Koripan suba kriis pesan nyungsutang Ida Raden Mantri. Dadi makire ida sang kalih lakar mantuk tur lantas ida ngandika teken I Truna Tua, kene pengandikanidane,
"Nah Kaki Truna Tua , tiang lakar ngalahin Kaki. Jani tiang ngorahin Kaki. Tiang sujatinne Raja Putreng Koripan muah ne adin tiange, Raja Putring Daha. Jani tiang ngalahin Kaki mulih. Dini Kaki melah-melah. Mani puan, yan suba karahayon tiang neked jumah, ditu tiang lakar maputusan mapagin Kaki mai, kema Kaki ka Koripan, bareng ajak tiang nongos di Koripan". Keto pangandikan Ida Raden Mantri, nikel lantas I Truna Tua nyumbah Ida Raden Mantri kalih Raden Galuh, nunas sinampura buatne ngasain ida basa, tur ia ngiringang pesan pangandikan Ida Raden Mantri. Suba jene keto, lantas Ida Raden Mantri kalih Raden Galuh mamarga.
Tan kacrita di margi, kacrita rauh kone suba ida di Koripan. Panggihin ida panataran purine bet pesan tumbuhin tempuyak wireh uli sapakaon idane tan kalinguang antuk aji kalih biangida, katungkul ida sedih dogenan di pamereman . Sarauh Ida Raden Mantri di puri, nglantas kone ida ngojog ka pamereman ajine. Mara ida Sang Prabu kalih Prameswari nyingak okane rauh ngajak anak istri, tan nyandang baosang kone kaledanganidane. Ida Raden Mantri lantas kasaup tur katangisin sareng kalih . Ida Sang Prabu kalih Prameswari nakenang anake istri muah pamargin Ida Raden Mantri. Ida Raden Mantri lantas nguningayang. Mawuwuh-wuwuh lantas kaledangan Ida Sang Prabu kalih Prameswari. Ida Prameswari lantas nauhin i patih, kandikaang nedunang panjak apang ngedasin panatarane muah ngae payonan. Sawireh ida lakar mabuncingang okane teken Raden Galuh Daha.
Tan kacritanan panjake ne ngayah di puri, Ida Raden Mantri kalih Ida Raden Galuh lunga ka Daha, matur uninga teken ajinidane di Daha. Ida Sang Prabu kalih Prameswari ring Daha ledang pesan, lantas ida nyarengin okane mantuk ka Koripan. Sarauhe di
166
