2.12 SAMPAI WADAK A
2.12.1 Teks
Sampi Wadak A
Wenrten kacrita satua mapungkusan satua Sampi Wadak. Kacrita Ida Sang Prabu ring Daha madue putra asiki istri. Reh punika putrane sampun puput pisan jagi kakerabang, dados ida ngwentenang pasewamaran. Irika raris makarya kendang, agengipun wenten manawi makadi kendang gong. Sane kaanggen nukub kendang punika blulang tuma.
Ri sedek rahira anu raris Ida Sang Prabu nedunang sami ratune miwah baudandanida jagi nebag kendang punika. Sapasira ja mrasidaang nebag belulang kendang punika jagi kaduduk mantu. Sasampune sapunika, baudanda punika raris sami nebag nanging nenten nyidaang. Cenkipun nebag belulang kendang punika.
Tan critanan, rauh raris anak bagus, punika panadoane I Sampi Wadak, watek tonya. Nika ngraris parek ka puri, dados kaaksi antuk Ida Sang Prabu.
“Yeh cai anak truna bagus, cai uli dija?’’ Kenten pangandika Ida Sang Prabu. ,
“Inggih titiang Ratu Dewa Agung, mungguing umah titiang 'ring sunantara, rauh titiang mriki parek, titiang miragi orti kocap Cokor I Dewa nyewamaraang anak Cokor I Dewa’’. Kenten I Sampi Wadak, anake bagus. Ngandika Ida Sang Prabu,
“Nah saja cai bagus, pasewamarane ento kene, nyen ja nyidaang nebag belulang kendange tetenan, dadi nira masanggup bakal nuduk mantu. Keto pasewamaran gelahe’’. Matur malih anake bagus punika,
“Inggih yen asapunika, titiang indayang nebag belulang kendang due.ie. Inggih yen tan kabaos sisip, ping kuda dados titiang nebag?’’ Ngandika raris Ida Sang Prabu,
“Nah ne tuah tebagan ping telu”. Wus Ida Sang Prabu ngandika asapunika, raris katebag kendang punika antuk anake bagus.
“Ratu Dewa Aguung, belulang banteng punika nuenang’’.Ngandika raris Ida Sang Prabu mamoya aturne anake bagus ento. Matur malih anake bagus,
“Inggih malih ping kalih titiang nebag, punika belulang kam-
190
