anake bagus punika tedunan. Sasampune rauh beten, drika raris masiluman ipun dados Sampi Wadak. Sasampune dados Sampi Wadak, kacrita mangkin I Lutung mlali-lali drika ring pinggir tukade, raris kapanggihin Raden Galuh drika mlinggih. Raris matur I Lutung.
“Ratu Raden Galuh, ngujang driki Cokor I Dewa mlinggih?” Ngandika Raden Galuh,
“Nah apa Iba lutung, nak kai suba pakidihanga teken Bapa Aji”. Matur malih I Lutung,
“Ring sapasira Cokor I Dewa pakidihanga?”’
“Ento apa kurenan kaine anak truna bagus mandus ditu di tukade”. Wau asapunika raris madelokan I Lutung ka kayehan, ton ipun raris I Sampi Wadak sedek ngipuh tandukipune. Dados matulak I Lutung ka genahne Raden Galuh, tur maatur,
“Ratu Dewa Ayu, aksi punika, boya anak truna bagus, punika I Sampi Wadak sane masiluman dados anak truna bagus’’.
“Nah sing ja Sampi Wadak anak bagus ento, tuah I Lutung bobab’’, Matur malih I Lutung,
“Boya aksi te dumun!” Wau saa antuk Raden Galuh, dados gelu ida, tur ida nangis.
“Nah Iba Lutung, kudiang jani madaya, nah cendekne kai ngidih urip teken Iba, nah kenken ja ban Iba madaya’’. Raris matur I Lutung,
‘“Inggih Ratu Dewa Agung, iring Ratu matulak saking driki, tan wangde seda Cokor I Dewa kateda antuk I Sampi Wadak. Cokor I Dewa jagi unggahang titiang ring tarune ageng’’.
Tan critanan sampun kaunggahang Raden Galuh ring tarune ageng. Glising crita rauh mangkin I Sampi Wadak, tandukipun sampun nyanyap pisan. Sasampune ipun rauh ring genah Raden Galuh, kadapetang Raden Galuh tan kantun rika. Marengang raris kipekanne I Sampi Wadak sambilang ipun ngarengkeng, ©
“Sing tara I Lutung bobab tuah ngebang Raden Galuh’’. I Sampi Wadak tolah-tolih, raris katon Raden Galuh ba duur ring tarune ageng. Gelising crita, sahasa ipun ngaplug punika tarune ageng jantos sendeh. Mangkin reh sampun kantenanga antuk I Lutung I Sampi Wadak ngaplug punika tarune, raris ipun magendingan,
“Krancang-krincing gambuang Sampi Wadak nyangih tan-
192
