duk”.
Kacrita saget sendeh taru punika kelod, dados malih I Lutung magendingan,
“Uli kelodin uli kelodin suba sendeh kelod’’. Raris sakeng kelod antuk I Sampi Wadak ngaplug, kacritanan wus kaplug raris kepod tandukipun. Raris macenguk I Sampi Wadak, dados kaintip antuk I Lutung, wireh sampun siep cenguhanipun. Tedun raris I Lutung jagi nengokin punika I Sampi Wadak. Kadengokin raris antuk I Lutung I Sampi Wadak punika, crita padem sampun ipun I Sampi Wadak. Sawireh ipun sampun padem, crita mangkin I Lutung munggah ring genahe Raden Galuh tur matur,
“Ratu Raden Galuh, iring Cokor I Dewa tedun, reh I Sampi wadak sampun padem., ’’ Ngandika Ida Raden Galuh,
“Ah iba Lutung, kai sing ja bani tuun, reh I Sampi Wadak beten’’. Matur malih I Lutung,
“Tan wenten, ipun sampun padem, iring Cokor I Dewa tedun, puniki ikuh titiange gamel!”’
Gelising satua tedun mangkin Raden Galuh gandonga antuk | Lutung. Nah wireh sampun beten mangkin, kairing antuk I Lutung ngalas Ida Raden Galuh. Punika ring alas panepin Pajarakane. Kasuen-suen, sampune sue ring alas, sarahina I Lutung ngrereh woh-wohan jagi rayunan Ida Raden Galuh. Benjangne malih I Lutung masih ngrereh croring, buluan miwah sane lian-lianan, jagi ka- tur ring Raden Galuh, jagi rayunanga. Reh sarahina asapunika I Lutung tuyuh, kengin ngandika I Raden Galuh, eling ring raga,
“Nah iba Lutung, amone olas ibane ngengkebang urip kaine, tur iba tuyuh ngalihang kai maman, apa kal anggon kai naur piu- tang ibane.” Raris matur I Lutung,
“Ratu Dewa Agung, antuk punika sampunang Cokor I Dewa manjangang, mlinggih Cokor I Dewa driki dumun, titiang ngrerehang Cokor I Dewa rayunan.”’
Kacrita malih I Lutung ngalas, sedeng becika panggihina umah Raksasa ring panepin Koripan. Sampun sapunika, raris kade- ngokin umah Raksasa punika antuk I Lutung, sedeng becika suung, I Raksasa tan wenten jumah. Crita I Lutung ngelisang nyu- rung sokasin nasine, kabakta ka genah Raden Galuh. Sarauhe I Lutung ring genah I Raden Galuh raris ngandika Ida Raden Galuh,
193
