“Ye iba Lutung teka, ngaba apa iba mawadah soksokan?”’ Matur I Lutung,
“Matur sisip, puniki rayunan, jagi rayunan Cokor I Dewa’’.
“To dija iba maan nasi, Lutung?”’
“Punika antuk titiang mamaling drika ring umahne I Raksasa, padalem titiang Cokor I Dewa ngrayunang wohwohan saraina’’. Saha raris I Lutung ngaturin mangda Raden Galuh ngrayunang pu- nika rayunane.
“Inggih yening asapunika raris Cokor I Dewa ngrayunang!” Keten I Lutung. Ida Raden Galuh raris ngrayunang. Nah sausane ida ngajengang, raris ida ngandika ring I Lutung,
“Nah iba Lutung, kai kiap, to kai makita pules, mara suud ngalih nasi”. Raris matur I Lutung ngaturin Raden Galuh merem. Sasampune ida sirep; raris kakaonin antuk I Lutung, malih ipun kumahne I Raksasa maling daar. Sasampune polih ipun daar, malih
kabaktaang Ida Raden Galuh. Kadapetang antuk I Lutung, Ida ’ Raden Galuh kantun sirep, drika I Lutung raris nanginin.
“Atu Raden Galuh, matangi Cokor I Dewa”. Gelu Ida Raden Galuh matangi tur ngandika, ,
“Ye iba Lutung”.
“Inggih titiang”’.
“To dija I Lutung sai-sai maan nasi?’’ Matur I Lutung, ngang- ken ipun mamaling.
Tan critanan mangkin I Lutung sareng Ida Raden galuh, kacrita mangkin I Raksasa nuju mantuk jagi madaar. Wau ambil soksokan daare, dapetang daare sampun telas. Bengong raris kaki Raksasa reh nasinipune telas. “Ye apa jeneng nyuang nasine dadi sai-sai telah’’. Raris ngakal daya I Raksasa punika. Benjang punika sausane ipun maratengan, raris ipun makarya jebag, batan jebag punika madaging jambangan ring toya. Di duur, sokasine mada- ging daar. Sasampune usan mapasang jebag, kakaonin paonipun, raris ipun ngintip.
Gelising crita reh Raden Galuh seduk, malih I Lutung mrika ring umah Raksasane, sasampue ipun rauh ring umah I Raksasa, akeh tolihane I Lutung, marengang kipekanipune. Reh ton ipun suung drika, ngelisang ipun ngampakang jlanan paon, tur ipun ngambil sosokan daar I Raksasane. Wireh masepan-sepan tingkah ipune mamaling, dados ulung ipun kena jebag, mememan ring
194
