jambangan punika.Krabak-krubuk I Lutung ring tengah jambang ~
an punika, raris dingeha antuk I raksasa. Ngelisang raris kaki Raksasa nyagjag ka pon. Kadapetang raris 1 Lutung drika ring te- ngah jambangane lecig, raris katonin antuk I Raksasa.
“Yeh iba Lutung ne ngamaling nasin kaine, beneh saisai ilang. Nah jani iba taanang jani, lakar matiang kai jani iba”. Masaut raris I Lutung, .
“‘Sampunang matianga tiang, krana tiang ngamaling nasih Kakine, kene ento, tiang ngiring Ida Raden Galuh, ida aturin tiang nasine ane paling tiang ento”. Masaut I Raksasa,
“Ento dija Raden Galuh jani?” Raris kapatujuin I Raksasa genah I Raden Galuh punika antuk I Lutung. Sumaur kaki Raksasa,
“Nah lamun tuah keto, yen iba maang ja kai Raden Galuh, kai sing ngamatiang iba”. Masaut I Lutung,
“Nah kene dadi ento Kaki, reh ida nu alit, cendekne sing ja ida bani bakal paek teken Kaki. Depin tiang malu ngempuang ida. Pidan yen suba duur, Kaki ba nyuang”.
Gelising crita, raris saturut I Raksasa, tur I Lutung, raris ipun kalebin. Mapajar raris I Lutung,
“Kaki dong baang cabng baas’’. Wehina raris I Lutung baas.
“Nah amonto Kaki, cang mulih jani’’. Raris mantuk punika 1 Lutung magrendotan makta aba-abaane. Sarauh I Lutung ring genah I Raden Galuh, raris nyagjag I Raden Galuh, tur ngandika,
“Me ento dija maan kakene”. Umatur I Lutung,
“Inggih punika titiang polih ring jumah I Raksasa. Puniki berase ratengang”. Drika raris Raden Galuh ngrereh saang, jagi kaanggen ngratengang tepeng.
Kacrita benjang semengane malih I Lutung ka umah I Raksa- sa ngrereh beras raris kabakta punika antuk I Lutung ka genahe Raden Galuh. Ngandika Raden Galuh ring Men Lutung,
“To apa aban meme sai-sai manyangkil manyuun?’’ Umatur I Lutung,
“Meneng kewanten dumun Cokor I Dewa’’. Ngandika malih Raden Galuh,
“Sing ke meme nguluk-uluk icang’’.
‘Beh purun kadi napi titiang jagi ngapus Cokor I Dewa. Ing- gih ke ratengang dumun mangda gelis Cokor I Dewa ngra,unang!
195
