“Ratu Dewa Agung, titiang makta tepung punika, jagi ang- gen sanganan sane nyanan”’.
“Ento jaja apa lakar gaen meme amonto begeh tepunge?”’ Matur I Lutung,
“Sapunika Ratu Raden Galuh, cendekne titiang jagi nguluk- uluk I Raksasa. Yen nenten saking sasanganan anggen titiang naya- nang, mangdene padem ipun I Raksasa tan mresidaang. Puniki Kaki Raksasa akuang titiang Cokor I Dewa. Tepung punika jagi pinakaang titiang Cokor I Dewa. Jagi baktan titiang nyanan wengi- ne’’. Ngandika Ida Raden Galuh,
“Sing Meme nguluk-uluk icang, nyanan icang tadaha ben Kaki Raksasa nyen”’.
“Ratu Dewa Agung, nenten pisan titiang madue manah pen- cong ring Cokor I Dewa’’. Inggih sampun sapunika, raris makarya mangkin I Galuh sareng I Lutung sanganan. Sasampune puput sanganan punika, mapindan Raden Galuh, raris kada gingin warangan terasipune.
Gelising crita wengi sampun, matur I Lutung ring Raden Galuh,
“Ratu Raden Galuh, merem Cokor I Dewa, titiang jagi mapa- mit jagi ka umah I Raksasa.”’ Sasampune sirep Ida Raden Galuh, mangkin kabudalin antuk I Lutung saha manyangkil sanganan sane mapindan Raden Galuh. Sampun sapunika mangkin, rauh sampun ring natahe I Kaki Raksasa, drika raris I Lutung kauk-kauk,
“Kaki, Kaki Raksasa ampakin titiang, tiang I Lutung!”’ Raris ngelisang I Raksasa, ngampakin jlanan.
“Nah Kaki ne ke Jemak anake alit. Suba mati sundih Kakine, da Kaki uyut!”” Gelis Kaki Raksasa nimbalin I Lutung, tur I Lutung ngucapang nangis Raden Galuh,
‘‘Ngek, ngek’’. ,
Sapunika I Lutung saking batan umahe.
“Mbe, kene ibuhne I Raden Galuh. Putih nyemplong’’. Ken- ten Raksasane. Raris mamunyi I Lutung ring I Raksasa,
“Nah Kaki, yen tuah Kaki bakal naar Ida Raden Galuh, uli duur daar malu!”’
Gelising crita, I Lutung ipun nyaru budal, magenah ring apad- ne ngintip I Raksasa. Sampun sapunika kacanden papindan I Raden Galuhe antuk I Raksasa. I Lutung raris ngucapang saking
197
