Patih makta bungbung, menek jurang tuun pangkung, piraginipun raris suaran ayam makakruyuk, kenginan I Patih bengong muragiang suaram ayam punika. Punapi raris kaungsi punika ayame makakruyukan, tan crita raris kapanggihin kubu. Sarauhe iriki, ring umahne I Lutung, raris sang kalih kauk- kauk,
“Jero, Jero, sira ja nuenang kubune iriki, tiang nunas ja toyane akidik!”’ Wau asapunika, raris nengok I Lutung ngiring Raden Galuh. Raris gelu I Patih, ring I Punta, reh to ipun I Lutung ngiring jadma klintang jegeg. Mapajar raris I Punta ring I Lutung,
“Nah Me Lutung, olasin ja tiang baang ngidih yeh, tiang ngiring gustin tiange di alase kasatan”’. Masaut I Lutung,
“To dija gustin Jerone aturin ja mriki.”” Sampune sapunika, ngelisang raris I Punta ring I Patih matulak ngaturin Dewa Agung. Sampun sapunika, rauh raris ring genah Dewa Agung mlinggih, kacingak Gusti Patih, ten ja makta toya, raris ngandika Ida Dewa Agung.
“Nah to Patih, engken yehe, dadi matalang teka’’, Raris matur I Patih ring I Punta,
“Ratu Dewa Agung awinan titiang nenten makta toya, antuk gelun titiange ngeton Lutung ngajak jadma jegeg’”’.
“Ento dija totonan?” Kaaturan gumahipune dauh paluh puni- ka.
“Kenginan Cokor I Dewa katuran mrika antuk I Lutung’’. Raris mamargi ne mangkin Ida Dewa Agung kairing antuk I Patih I Punta, kacrita sampun rauh ring padiwanganne Men Lutung, kacingak raris Raden Galuh makembaran sareng Men Lutung. Wau kacingak, bah Ida Dewa Agung Putra antuk ngaksi kajegegane Raden Galuh. Kenginan I Lutung raris macebur ngelisang, ngambil Dewa Agung Putra, saha matur,
“Ratu Dewa Agung matangi Cokor I Dewa!’’ Raris kadandan Ida Dewa Agung Putra antuk I Lutung, mantukan raris ring Gunung Rata mlinggih.
Tan crita satuane mangkin, mabaos-baosan mangkin I Lutung sareng ring Dewa Agung Putra,
“Nah Me Lutung, nyen anake luh ento, orahang amun sajanne!” Matur I Lutung,
“Ratu Dewa Agung punika pianak titiang’’. Tengkejut Ida
199
