BAB II
TEKS DAN TERJEMAHAN
2.1 I Juragan Anom
2.1.1 Teks
I Jumgan Anom
Ada kone tutur-tuturan satua I Juragan Anom. Kacrita Ida Sang Prabu Daha madue putra kakalih lanang istri. Ane duuran lanang, ane alitan istri. Kari alit-alit putrane, Ida Sang Prabu buin ngambil rabi panawing, adina teken I Patih madan Ni Liku. Sekat ento kone Ida Prameswari miwah putrane makadadua tan kalinguang antuk Ida Sang Prabu, reh ida takut teken Ni Liku Sakeng patuduh Ni Liku, Ida Sri Prameswari kalih Ida Raden Galuh kakutang di alase wayah, kakaryanang pondok cenik. Tan kabekelin apan-apan. Ida Raden Mantri, I Patih kone ngadep teken wang prau, tur anggona pianak sayanganga gati teken juragan praune ento, kaadanin I Juragan Anom. Kija ja juragan praune ento mlayar madedagangan, ajaka dogen kone I Juragan Anom.
Kacrita Ida Prameswari peteng lemah kone ida sedih di tengah alase sambil ida ngemban putra tur tan mari ida mapasihin putrane. Sedek ida nangis, lantas teka kone dedari tetelu, kautus antuk Ida Betara Guru, maktaang Ida Sri Prameswari kalih Raden Galuh rayunan, dadi mara kone ida pada nepukin rayunan. Sausan ida ngrayunang, ngandika kone dedarine.
"Inggih Biang Prameswari, mangkin usan I Dewa Sungsut, reh tiang mangkin kapangandikaang antuk Ida Betara Guru sai-sai maktaang I Dewa rayunan mriki, kalih ngembanang Ida Raden Galuh."
Keto kone pangandikan dedarine. Uling sekat ento kone dedarine sai-sai semeng-semengan suba rauh ngaba rayunan, suba peteng mara kone ida mantuk ka suargan. Kasuen-suen gelising satua suba kone Ida Raden Galuh duur, lantas ida makarya tetamanan sateng dedarine di tengah alase, nandur punyan bunga soroh ane miik-miik, tur enggal gati kone punyan bungane pada nedeng mabunnga. Ditu lantas dedarine ngandika teken Ida Raden Galuh,
"Adi Galuh, Adi Galuh, jani suba nedeng bungane, jalan ja
15
