alap! Adi ngadep ka peken Koripane, embok ja ngatehang Adi. Baanga ja Adi baju, ne anggon bajune, apang Adi bisa ngenah ilang!"
Keto kone pangandikan dedarine, lantas ida pada ngalap bunga, kapilihin sabantas ane melok-melok tur miik. Buin maninne semengan gati kone Ida Raden Galuh suba mamargi ngadol bunga ka peken, kasarengin dedarine, nanging Ida Raden Galuh dogen kone ngenah mamargi ngraga. Suba kone ida rauh di peken lais gati kone ida madolan. Agelindengan kone suba telah sekar idane, lantas ida mantuk ka alase. Mara ida rauh di bancingah, ngatuju Ida Raden Mantri Koripan mlinggih di bale bengonge kairing baan I Punta. Mara Ida Raden Mantri nyingak Ida Raden Galuh, jag prajani kone ida buduh teken Ida Raden Galuh, lantas ida ngandika teken I Punta,
"Paman Punta, Paman Punta, anak uli dija se anake nyuun sok ento, dong aeng ja jegegne." Matur I Punta.
"Beh, I Ratu bes ledat lelengeran pisan, sabarang anak luh raosang I Ratu jegeg, dagang tendakan taler buduhang I Ratu, mirib kirangan Putran Sang Nata Ratu sane pacang anggen I Dewa rabi. Buin ngandika Ida Raden Mantri,
"Beh, Paman Punta, da te Paman ngomong keto, yadin ja liu ada putran ratu, lamun nira sing demen. Yadin ja dagang tendakan buin wang tani kelen, lamun jegeg tur nira demen, ento lakar anggon kurenan. Cendek, buin mani jalan jaga di jalan, juk anake ento". Keto kone pangandikan Ida Raden Mantri, sing dadi pamunguina baan I Punta. Buin maninne semengan gati kone Ida Raden Mantri sareng I Punta suba medal ka bancingah lakar nyambangin Ida Raden Galuh. Buin akejepne, rauh kone Ida Raden Galuh nyuun bunga asok, lantas Ida Raden Mantri ngandika.
"lh Jero dagang, Jero dagang, Jerone anak uli dija, apa ento kasuun?" Matur Ida Raden Galuh,
"lnggih Ratu Raden Mantri, titiang kaulan Cokor I Dewa sakeng gunung, titiang jaga ngadol sekar ka pasar." Buin ngandika Ida Raden Mantri,
"Nah, da suba adepa bungane ka peken, nira meli makejang." Ditu lantas makejang kone tumbas ida bungane, tur lantas ida ngalemesin Ida Raden Galuh, kaget suba joh gati kone mara aksi ida lantas Ida Raden Mantri mawali mantuk ka puri. Rauh di puri,
16
