2.18 SAMPI WADAK B
2.13.1 Teks
Sampi Wadak B
Kacrita Ida Sang Prabu di Daha madue oka asiki istri. Prabune di Koripan madue masih oka asiki nanging lanang. Kacrita jani di Daha. Ida Raden Galuh Daha makayun manglila-lila ka taman. Matur kone ida tekan ajine,
“Ratu Aji, titiang jaga ka taman mlali".
“Nah’’, Lantas Anake Agung gandikain panyeroane,
“Nginte, Ngemban, kema iringang I Nanak Galuh ka taman!”’
‘Inegih titiang sairing’”. Mamargi lantas Raden Galuh iringang panyeroan, I Nginte teken I Ngemban.
Tan critanan, teked suba ida di taman. Ditu lantas ida masiram, suud masiram, lantas ida mailehan kone di taman ngalap bunga. Kenken baya lantas tuun ujan angin peteng liget. Be kaiayangan lantas Raden Galuh bareng penyeroane pungsang: pangsinga teken angine. Ditu lantas pada mabelasan, suba tusing karuan baana timpalne baan petenge, alah kidemang.
Kacrita suba ilang pepetenge, I Nginte Ngemban mara ngalih alihin Raden Galuh, tusing ada. Makwewengan lantas panyeroane makadadua.
“Me, ne dija Ida Raden Galuh, meh plaibang pepeteng jenenga, lan enggalang aturang teken Anake Agung ka puri”. Mlaib lantas panyeroane makadadua ka puri matur teken Anake Agung,
‘Ratu Dewa Agung, punapi okan Cokor I Dewa Ida Raden Galuh plaibang pepeteng ring taman”’. Jani wireh keto, matetangisan kone saisin purine baan Raden Galuhe plaibang pepeteng.
Tan kacritanan Ida Sang Prabune di Daha sungsut. Kacritanan jani Raden Galuh ulung di tengah alase wayah. Nangis kone ida ditu mlinggih di bongkol punyan kayune. Tangis Raden Galuhe dingeha kone teken I Sampi Wadak.
“Ne ngudiang ada jlema mangeling dini ba danginne, bakal alih kema, jani gantinne awake maan nadah jlema’’. Keto kone kenehne I. Sampi Wadak, tur lantas ia majalan, ngalih I Raden Galuh. Suba teked ditu, mara cingakina I Sampi Wadak baan I Raden Galuh, makiyayangan lantas ida baan takut idane. Ngomong lantas
215
