“Lutung, lutung, nyai nepukin Raden Galuh?’? Masaut I Lutung,
“Be ditu i tunian ida anak dini ngibukang cai. Mara gati ida ngalodang, ida ngandikaang ka pasih nyeburang raga. Kema enggalang tutug!’” Numrag lantas ngenggalang I Sampi ngelodang. Mara makalah I Sampi, kendel kone I Lutung lantas ia magendingan,
“Erang, erang, erang, I Sampi Wadak mangipuh tanduk, jegeg ja kadi jegeg, kagelanira truna bagus’’. Keto dogen begbeg gegendinganne I Lutung.
Kacrita I Sampi Wadak suba teked di pesisi. Ngengap paliatne I Sampi, ngiwasiwasin Raden Galuh,. Dening tusing ada, kroboka lantas pasihe. Dening tusing ada masih Raden Galuh, mlipetan lantas ia ka umahne Me Lutung. Mara nota baan I Lutung I Sampi teka, suud ia lantas magendingan.
“Kenken Sampi, tepukin cai Raden Galuh?’’
“Tusing”’. Keto abetne I Sampi Wadak.
“Beh mara gati ida nganginang, ida ngalih cai. Yan sing panggihin ida cai, ida ngandikaang nyeburang raga di pangkunge. Kema enggalang uber, nyen enggalan macebur nyen ida di pangkunge!”’ Apa ngenggalang lantas I Sampi Wadak nganginang. Mara makalah I Sampi buin I Lutung magendingan.
“Erang-erang-erang, I Sampi Wadak mangipun tanduk, jegeg ja kadi jegeg, kagelanira truna bagus’’.
Kacrita jani pajalanne I Sampi Wadak kanti joh pesan, tuun pangkung menek pangkung, tusing masi tepukina Raden Galuh,dadi mlipetan kone I Sampi buin aliha I Lutung. Di subanne tepukina I Lutung, ngomong lantas I Sampi.
“TLutung nguda sing tepuk I Raden Galuh?”
“Beh mara busan gati ida dini beneh kauh nangis ngame-ame cai, kema enggalang tutug. Yen tusing panggihin ida, cai, anak ida ngandikaang lakar nyeburang raga di grembengane’’. Bencit lantas I Sampi beneh kauh. Mara makalah I Sampi buin I Lutung magendingan.
‘‘Erang-erang-erang, | Sampi Wadak mangipuh tanduk, jegeg ja, kadi jegeg, kegelanira truna bagus’’.
Kacrita jani pajalanne | Sampi Wadak kanti joh pesan, tuun pangkung menek pangkung, tusing masi tepukina Raden Galuh, dadi mlipetan kone I Sampi buin aliha I Lutung. Di subanne tepu-
217
