kina I Lutung, ngomong lantas I Sampi..
“Lutung nguda sing tepuk I Raden Galuh?’’
“Beh mara busan gati ida dini beneh kaum nangis ngame-ame cai, kema enggalang tutug. Yen tusing panggihin ida, cai, anak ida ngandikaang lakar nyeburang raga di grembengane’’. Bencit lantas I Sampi beneh kaum. Mara makalah dogen I Sampi buin I Lutung magendingan, patuh gegendinganne buka i tunian.
Kacrita pajalanne I Sampi Wadak kelan joh gati nuun-nuunin grembengan, sing masih tepukina Raden Galuh, ditu lantas ia naan teken dewek kabelog-belog baan I Lutung. Ngenggalang lantas I Sampi Wadak malipetan ngalih Sang Lutung. Nu joh I Sampi suba nota teken I Lutung sepi lantas gegendinganne I Lutung. Jani napak kone suba I Sampi beten umah I Lutung, kebras-kebris ngipuhang tandukne.
‘Ah iba Lutung, jani sinah suba dayan ibane, iba melog-melog awake. Iba suba ngengkebang Raden Galuh. Tusing nyak iba ngulihang, bakal pungkatang kai umah ibane jani”. Masaut I Lutung.
“Pah I Sampi, dadi ngawag-ngawag gati I Sampi ngomong. Anggon awake gena ngengkebang Raden Galuh”’.
“Iba suba ane ngengkebang”’. Keto pasautne I Sampi Wadak, lantas sengkot-sengkota punyan kayune, kenken baya, nylongket tandukne di akah kayune. Maketet-ketetan sing dadi baana ngelesang. Ngembo kone I Sampi laut mati.
Suba mati I Sampi Wadak, tuun kone Raden Galuh, lantas tunjela bangken I Sampi Wadake. Suba dadi awu, lantas anyuta kone teken Raden Galuh. Suba koneketo, dadi dewa lantas I Sampi Wadak, tur lantas ngandika teken Raden Galuh,
‘‘Nah Cening Galuh Daha, yen sing Cening nyupat Bapa, meh nu papa I Sampi Wadak. Nah dumadak Cening apang rahayu, mani puan sida bakal Cening katepuk teken misan Ceninge I Mantri Koripan. Suba suud ngandika keto, lantas ida malesat.
Kacrita jani Raden Galuh di tengah alase sig umah Men Lutunge. Sai-sai I Lutung ngalihang Raden Galuh woh-wohan. Asing kedis-kedise ane maumah paek-paekan ditu pada bakti teken Raden Galuh. Ada maturan ceroring, ada maturan nyambu, muah len-lenan. Ditu kedise mapunduh sig umah I Lutunge, pada masukan-sukan, ada macanda makakedekan, ada ngigel. Ngomong I
218
