nang daya, padem pacang ipun”’.
“‘Singke Meme nguluk-uluk nira, Me Lutung?”
“Be nguda ya Cokor I Dewa sapunika. Purun kadi napi sih titiang ring Cokor I Dewa. Puniki te ambilin baase, titiang ngrereh saang margi nyen nepeng’’. Ambila lantas baase teken Rade Raden Galuh, I Lutung lantas ngalih saang. Suba maan saang, lantas epot Raden Galuh nepeng.
Kacrita suba lebeng, ngajengang lantas Raden Galuh. Suud ida ngajengang mara kone mrasa kenakan raganidane. Geli sing satua, sai-sai kone I Lutung kema kumah I Rangsasa ngidih baas. Matakon I Rangsasa teken I Lutung,
“Lutung’’.
“Tiang Kaki’,
“Kenken suba duur Raden Galuh’’.
“Suba Kaki’’. Nah bin mani petenge tiang lakar ngajak mai. Da men Kaki masembe. Anak ida takut teken sembe. Nyen sing kayun nyen ida mai. Jani tiang baang malu baas, lebihin men abedik. Baang tiang ngidih cetik, bakal anggon nyetik Raden Galuh”’.Mara keto abetne I Lutung, kendel kone I Rangsasa, lantas nyemak ia baas asok, teken cetik baanga I Lutung.
“Ne jemakin baase, Lutung ne cetik! Mani sajaan men ajak Raden Galuh mai, da melog-melog’’.
‘Nah’. Jemakina baase muah cetike teken I Lutung, lantas ngenggalang ia mulih ngaba baase. Suba neked jumahne, ngandika lantas Raden Galuh,
“Ne ngudasepala gati Me Lutung ngaba baas?’’ Masaur I Lutung,
“Jaga tepung titiang, anggen titiang jaja, jaja jlema-jlemaan, mangda kadi Cokor I Dewa agengne, jaga dagingin cetik. Benjang wengine pacang wehin titiang I Rangsasa. Dong kadena ya Cokor I Dewa’’.
“Nah lamun keto, jalan jani suba tepung”’.
‘Margi Ratu Dewa Ayu’’. Nepung lantas I Raden Galuh ajaka I Lutung. Buin mani semengane ngae lantas jaja jlema-jlemaan amun Raden Galuh gedenne. Tendasne di tengahne misi nyuh abungkul ane suba menges isinina cetik.
Kacrita nyanan peteng kema lantas I Lutung kumah J Rangsasane ngaba jaja jlema-jlemaan. Suba neked di padiwangani, kauk-
221
