wa, tur ngandika teken Raden Galuh,
“Cening Galuh Daha, Cening ko olas nyupat bapa. Nah keneng-kenengin Cening dini nongos buin akejep. Buin pidan teka lakara rakan Cengine I Mantri Koripan mai, ditu lakara Cening nemu bagia’’. Suba suud ngandika keto, lantas Ida mlecat, ilang tan pamengan.
Gelising satua makelo suba Raden Galuh ditu ajaka I Lutung, jani kacrita Ida Mantri Koripan lunga maboros, iringang pepatih mantri muah panjak asepala, tur makta cicing sasa-sasa. Mailehan ida di tengah alase, tusing polih paburuan, lantas rauh ida diwangan pondokne Raden Galuh.
Kacrita I Lutung sedekan mamanting, mamanting panganggen I Raden Galuhe, ditu di pancorane samping kubune sambilanga magendingan,
“Koplek ya aru koplek, wastran Ida I Raden Galuh. Jelek janira jelek kagelanira truna bagus’’. Sedeng gatina Lutung mamanting, lantas trojoga teken cicinge tur kepet-kepetanga mati lantas I Lutung. Dening uyut cicinge makrongkongan, maseban lantas Raden Galuh, cingakina ada anak ajaka liu, makeledan lantas I Raden Galuh. Ngadika Ida Raden Mantri teken I Patih,
“Kaka Patih, Kaka Patih, kema ja mulihan, ngidih yeh.”Mulihan lantas I Patih. Mara kone teked jumahan tengkejut I Patih Wireh ada anak bajang buin jegeg ditu padidiana. Ngenggalang I Patih pesuan matur teken Ida Raden Mantri,
“Ratu Dewa Agung, wenten anak luh jegeg jumahan padewekan’. Mulihan lantas Raden Mantri teken iringane. Ditu macunduk I Raden Mantri teken I Raden Galuh. Katakenin lantas Raden Galuh antuk Raden Mantri. Ditu lantas I Raden Galuh nuturang raga. Kasaup kone lantas I Raden Galuh antuk I Raden Mantri saha ida mangandika,
“Beh, kalingane adin Beli I Dewa. Beli suba I Mantrin Koripan, jalan Adi bareng mantuk, ka Koripan”’.
“Inggih titiang sairing Beli Agung’’. Suba kone keto, jani I Raden Galuh, ngibukang kone I Lutung,
“Ne nguda makelo pesan Meme Lutung tunden tiang manting’. Ada lantas parekane ngaturang, I Lutung suba mati kerah cicing. Mara pirenga atur parekane ngaturang I Lutung suba mati, nangis Ida Raden Galuh, sedih masesambatan ngame-ngame I Lu-
223
