lantas ida ngandika tekan I Punta.
"Paman Punta, Paman Punta anak luh. kenken ya en to dadi bisa ngenah ilang, mirib sing ento jlema tember-tember apa ento, meh dedari jenengne ento? Nah mani jalan ajak liunang gati nyaga, apang bakat ja baan ngejuk!' Buin maninne Ida Raden Mantri ngandikaang parekan majaga sabilang dangka lakar ngejuk Ida Raden Galuh, nanging makejang kone tusing makatang, wireh Ida Raden Galuh ngenah ilang. Dening keto, dadi sengitan gati kone kayun Ida Raden Mantri, lantas sai-sai ida ngandikaang parekan majaga, nanging masi tusing ada nyidaang makatang ngejuk Ida Raden Galuh. Dening sai-sai keto, jejeh kone kayun Ida Raden Galuh, lantas ida matur teken biange, nguningang indike keto lantas Ida Prameswari ngandika.
"Nah yen keto, suud suba cening madagang, lamun nyen saisai Cening sing bakat juka, jalane bakatanga, apa ya dadin memene padidian di tengah alase." Keto kone pangandikan Ida Prameswari, lantas usan kone Ida Raden Galuh madolan ka pasar. Dening Ida Raden Galuh suba usan madolan, dadi osek kayun Ida Raden Mantri, tur makayun ida pacang ngumbara, ngruruh Ida Raden Galuh, lantas ida mireng pangandika ngambara,
"Cening, Cening Mantri Koripan, da Cening sanget duhkita makayun lakar ngumbara. Yadiapin jani Cening ngumbara, masih lakar sing bakat baan Cening ngalih anake luh ento. Nah mani puan yen suba teka gantinne, sinah Cening lakar matemu teken anake luh ento, tur ditu lakar Cening tatas nawang kamimitannyane." Keto kone pangandikane pireng ida, lantas wangde kone ida ngumbara.
Tan critanan Ida Raden Mantri, kacrita jani I Juragan Anom, suba kone mati bapanne, lantas ia nimbalin madedagangan malayar maileh ngaba prau, lantas malabuh di pesisi Koripan nuunang dagangan. Mara neked di pesisir, teka kone aqake pagrudug mablanja, agelindengan telah kone daganganne makejang. Yadin suba telah daganganne, masih tusing kone ia makeneh malayar buin ngalih dagangan, reh ia nau gati ditu, tur sai-sai kone ia malali ka bancingah. Lemah-lemahe, semengan kone ia suba tuun ka daat, suba peteng mara kone ia menek ka praune. Sedek ia mlali di bancingah ngatujuang Ida Raden Mantri medal kairihg baan I Punta, dadi kacingak kone I Juragan Anom, lantas Ida Raden Mantri ngandika,
17
