tin sig pademanne. Ngieng-ngieng kone dingeha teken I Raksasa kadena I Galuh nangis, lantas ia magending kenehne nungkulang I Galuh,
“Meneng, Nyai Cili, meneng. Manis bon I Galuhe manis’’. Lantas kedenga batis kemplonge, abesik kapakpak, kriyuk-kriyuk,
“Beh manis, manis Cokor I Dewa manis”. Buin kedenga ane lenan kanti makaukud telah tusing magantulan angan ambul tepunge. Duaning kemplonge ento maisi cetik, lantas ia nyakitang basang makwewengan, tusing dadi baana naanang kanti emasina mati. Maninne semengan lantas kema | Bojog nelokin. Mara tepukina bangken I Raksasa nyengku lantas ia ngenggalang parek teken Ida Raden Galuh,
“Ratu Raden Galuh, puniki I Raksasa sampun padem ngiringke mrika, irika Cokor I Dewa mlinggih, samalih umahipun becik’’.
Gelising crita suba kone makudang-kudang tiban I Galuh mlinggih sig umah I Raksasane, critaang jani] Raden Mantri Koripan lunga maburu kalase. Nuju kone I Raden Galuh nunun lantas kapireng krempiangan munyin pandalane ditu lantas I Mantri ngamaranin. Kanggek kocap ida ngaksi ada umah melah, mapanyengker bata di pantaraning alase. Ditu lantas I Mantri ngranjing. Mara I Galuh nyingak ada anak muani teka, gelis reke ida mantukan, pacang nyingidang raga. Kacingak baan I Mantri ada bojog dekil di samping perorogane manyakukut, lantas ida ngandika,
“Th iba wanari, nyen ke anake nunun i tunian, yan mungguing wangsa, makadi nyen nuenang pasramane tenenan?” Ditu lantas I Bojog matur,
“Inggih Ratu Sang Raja Putra, puniki gusti titiang I Galuh Daha, sane riin pecak kaplaibang antuk I Sampi Wadak, mawinan ida mlinggih iriki wit saking ekan-ekan titiang puniki pecak umah I Raksasa”. Mara Raden Mantri mireng atur I Bojoge keto, jag ida mulihan nyaup I Galuh, tur ngandika,
“‘Aduh Adi, adin Beline Adi, dini ko Adi malinggih, lamun Adi tuara uning Beli sampun mingsikin Adine J Mantri Koripan. Ledang pesan kocap kayun sang kalih kapanggih ring pantaranin pantaraning alase. I Mantri raris nauhin pengiringe samian pacang matulak mangkin ka Koripan. I Galuh miwah I Mantri raris magayot, tansah I Bojog taler mangiring. Kalangkung ledang kone kayun Ida Sang Prabu Koripan, gelis reke ida ngandikaang mamendak saha ngutus I Patih ka Daha nguningayang ring ida Sang Prabu Daha baan i nanak Galuh sampun napak ring Koripan.
238
