Tan critanan punika ring Daha, mangkin critaang Ida Dewa Agung Putra di Koripan, ri sedekan wengi dados nyumpena ida, nyumpenaang namplak-namplak bungan sungenge, tur raris ulung ring pabinane.”’ Raris ngandika Ida Pedanda,
“Kenginan becik panyumpenan Cokor I Dewane punika. Yen I Dewa ring puri, ngrauhang Cokor I Dewa anak istri sarahina asiki. Yen Cokor I Dewa maburu, polih Cokor I Dewa buron akeh. Sane encen jagi pilih Cokor IT Dewa. Yening Cokor I Dewa di puri, inggih yaning istri ayu polih, yening peceng perot Cokor I Dewa ngrauhang, tan dados tulakang. Yen kapilih patut becikan Cokor I Dewa maburu!”’ Reh asapunika raris ida ngapuriang jagi nganikain parek-parekane. Sampun rauh ring puri, dados sami parek-parekane kanikain,
“Nah Punta Patih, kema dabdabang bekele cicing borosane miwah jarane apang payas-payasina, kuluk makejang ante. Reh sampun kacrita sedia, dados kacrita mamargi Ida Dewa Agung Putra, saha mairingan juru bedil miwah kuluk borosane galak-galak. Dados gelising satua rauh ring alas Dahane, ring genah burone akeh. Lacur pisan pamargane, dados asiki ko ida ten polih beburon. Reh sampun tengai dados lesu ida, drika raris ida mrarian ring sor kayune ageng. Saantukan klintang kasatan Ida Dewa Agung Putra, dados I Punta miwah I Patih kanikaang ngrereh toya. Wau mamargi raris kapanggih kubu antuk I Gusti Patih, tur raris makakalih punika macelep. Kubu punika suung, nanging kapanggih drika cecepan madaging toya, tur jeding taler madaging toya. Punika raris sami kaambil kabaktayang Ida Sang Prabu. Saantukan sareng makehe dados telas toyane punika, tur kirangan. Dados parekane kanikaang mangda ngrereh toya kelapa.
Kacrita sampun polih, raris kaaturang ring Ida Dewa Agung Putra kelapa punika. Sausane toyanipune karayunang, raris ida makayun mabanyu. Clebongkakanpunika raris kawarihin antuk I Dewa Agung Putra, saha sepatanin,
“Nyen ja ngamah enceh tiange ne, yen anak luh apanga beling, yen ngelah panak, panakne apanga patuh gobane teken tiang.”
Tan critanan reh sampun ical kasatane, dados mantuk Dewa Agung Putra ka Koripan. Sasampune rauh ring Koripan, dados kaaturin Ida Pedanda mangda pedek ka puri. Raris Ida Pedanda
246
