ngapuriang, parek ring I Dewa Agung Putra, drika raris matur Dewa Agung Putra,
“Pedanda, sapunapi dados ten nepen ipian tiange sakadi pangandikan Pranda ring titiang?’’ Pranda ngandikaang titiang maboros kocap jagi makeh polih buron, kayuaktinae tan polih napi-napi’’. Matur Ida Padanda,
“Ratu Dewa Agung, Cokor I Dewa wau apisan mamargi sampun makayunan polih. Inggih malih apisan mamargi, ngujang Cokor I Dewa ten polih!” Tan kacrita punika Dewa Agung Putra ring Koripan, mangkin kacrita Ni Mica ring alas.
Ri sedek rahina anu, dados mlali-lali Ni Mica ring alase, tur sedeng becika ipun raris bedak. Kapanggih toya mwadah tengkulak, antuk Ni Mica. Saantukan bes kasatane, punika raris katunas Ni Mica. Sasampune usan neda, toya punika raris ipun budal. Kasuen-suen dados mobot Ni Mica punika. Reh sue mangkin bobote dados katangehan antuk Ni Ngemban, Ni Nginte, tur raris katakenin Dewa Agung Mica punika.
“Ratu Dewa Ayu, sapunapi dados Cokor I Dewa waduk Cokor I Dewa malenting weteng I Dewane. Punika Cokor I Dewa mobot manahang titiang. Sira polih ngambil Cokor I Dewa, dados sapuniki mobot Cokor I Dewa?’’ Dados meling Ida Raden Galuh Mica, pecak polih ngrayunang toya mawadah tengkulak, tur ngraris ngandika ring Ngemban, Nginte,
“To kene dadi Ngemban Nginte. Dadi inget tiang teken awak, i pidan tiang taen mlali-lali ditu lantas tiang nepukin yeh mawadah tengkulak dadi ento ajengang tiang.”’
‘“Inggih yen asapunika baos Cokor I Dewa titiang eling sane dumun rakan Cokor I Dewa polih mriki lunga maburu. Tan seos ida manahang titiang madue warihe. Yen sapunika, becik-becikang bobot Cokor I Dewa!” Kasuen-suen raris embas putra lanang baguse klintang, pateh warnane buka Dewa Agung Putra di Koripan.
Tan critanan Ida Raden Galuh Mica, ring alase madue oka lanang, mangkin kacrita malih Ida Dewa Agung Putra ring Koripan makayun malih jagi maburu. Kacrita ida sampun mamargi, sampun rauh ring alase ring genahe dumun. Drika raris kapanggih anak alit lanang, raris katlektekang pesan warnane. Matur raris I Patih,
“Ratu Dewa Agung, dados sakadi Cokor I Dewa warnan anake alit puniki?”’
247
