Widi, dadi ia nglengsot macebug ulung dadi mnusa, Pinah kanti kelih anake cerik ento, tumben kone I Mantri maburu kema, lan- tas kacingak anake cerik suba duur, makesiab ida, mara eling, kasaup teken I Mantri tur katakenin,
“Ih Cening nyen biang I Dewane?” Ditu lantas anake cenik ento matujuang ka batan longan, tongos biange mengkeb. Mara kaungkabang teken I Mantri medal lantas I Galuh. Ditu lantas I Galuh nguningayang,
‘‘Inggih titiang sane riin okan Prabu ring Daha, nanging an- tuk kaiwangan ajin titiang mawinan titiang salah rupa, mrupa ba- sang siap, raris titiang kakutang mriki. Sue sampun titiang iriki, wau titiang neda toyan kuud jag beling titiang, madue raris pianak puniki i cening. Nuju pianak titiange seduk panggihin titiang wenten katipat baa duur ring langgatane, nyaratang titiang pacang ngambil, saking tuduhing Hyang, raris titiang ulung, malih dados manusa sakadi mangkin. Titiang ne mangkin sampun supat, saking pitresnan Beline ring pianak titiange puniki.” I Mantri mara mireng atur I Galuhe keto lantas kasaup, kairing ka negara ngajak okane.
257
