2.17, I BASANG GEDE
2.17.1 Teks
I Basang Gede
Ada kone orang-orannan satua, I Mantri Koripan lunga maburu ka tengah alase. Sasubanne ida rauh di tengah alase, lacur pesan angan abesik tuara maan beburonan. Dening gumine panes banteng dadi kasatan kone ida, paling kone ida ngandikaang ngalih yeh masih tuara maan. Sawatara ada jenenga angan apenalik ida mablinderan, lantas ida ngamanggihin pancoran ane yehne ening pesan. Ban kliwat kasatan idane, tusing buin ida ngeman apan-apan, jag ida nglonggong yen pancorane ento. Tan pinahen pesan ida teken ada lelipi nglongsor uli di pancorane ngranjing sig otengidane.
Gelising crita, critaang jani suba kone ida mantuk ka Koripan, sarauhe ida di puri jag ngedenang otengidane, kanti ida tusing dadi mamarga cara anak seda, sakewala pangaksiane dogen dadi kijep-kejep. Kasuen i Lelipi ngelah pianak sig otengidane. Dening keto, wireh akudang-kudang balian masih tan tinambanin baana, dadiannya Ida Sang Prabu ngandikaang pacang ngutang okane ka alase, nanging bakal kagaenang puri alit muah kadampingin sarwa brana.
Critaang suba makutang I Mantri di alase, di marane matuuh limang dina ida ditu, ada masih parekan ane nongosin, makelo-kelo makejang matinggal uli ditu. badiannya ngraga ida tan mrayunan apan-apan kisah-kisah di pamreman.
Critaang jani I Galuh Daha okan Anake Agung panagara Da- ha, ri sedek ida misbisin kapas ri kalaning Tumpek Wayang, lantas ida ngamanggihin uled di tengah kapase. Ulede ento sai-sai kapatiningin, kaubuhin kaapikin pesan, rasa amun miara oka kayunidane, sai-sai mabaang. getih celeng, getih sampi muah kebo. Makelo-kelo pinah ulede suba gede mokoh, mireng Ida Sang Prabuteken paindikan okane keto, lantas kapangandikaang apanga I Nanak Galuh ngutang ulede ento. I Galuh mapamit sapisan saha atur,
“Inggih Aji, Aji, yening Aji ngandikaang titiang ngutang ulede puniki, becikan titiang sareng mangda makutang.’’ Dening keto aturne I Galuh, dadi ajine kalangkung menggah idane, lantas kapangandikaang ngutang I Galuh ka alase bareng ajak ulede ento. Ka-
260
