gadung apaksi, gunanipun, "Yening I Dewa mayuda, yen makayun negul musuh, punika gadunge anggen, yen makayun mademang, lalange anggen." Suud matur keto, lantas I Dukuh moktah.
Sapaninggal I Dukuhe, buin maninne palimunan kone Ida Raden Mantri sareng arine makekalih suba mamargi ngungsi pasisi. Rauh ida ditu, lantas pendaka kone teken isin praune ento, tur iring munggah ka praune. Anake ento makejang pada bakti ngaula ring ida. Di subanne keto, lantas idam malayar mailehan naken-nakenang biange. Sabilang palabuhan kone ida mararian nagih numbas anak luh berag ane nyuun tain siap ambul kuskusane, nanging tusing kone masi ada ngadepin.
Kacrita jani malabuh lantas ida di pesisin Dahane. Makejang kone anake bengong mabalih prau mas macangcang di pesisi. Ditu Raden Mantri makakalih ngarsaang numbas anak luh berag nyuun tain siap ambul kuskusane. Ortane keto dingeha kone teken Ni Limbur. Lantas ia matur teken Ida Sang Prabu,
"Sang Prabug, Sang Prabug, di pasisig adag anag koneq praug nagig melig anag lug berag aneg nyuug taig siag ambug kuskusaneg, jalan jag Prameswarig adep lakar genag sig nuanag jlemag ketog."Dening sayang idane Sang Prabu teken Ni Limbur linggihina kone atur I Limbure, lantas nikaanga parekane ngadep Ida Prameswari ka pesisi, aji kuda ja nyak anake meli. Dening tibanan Ida Prameswari tusing majengan, dadiannya kiris gati kone ida, tur eling teken raga gosonga abana ka pesisi. Teked di pesisi tumbasa kone teken Ida Raden Mantri lantas unggahanga ka praune. Ditu lantas Ida Prameswari siramanga salinina wastra, lantas gosonga kone teken putrane makatetiga sambil nangis. Di subanne ida eling, patiptipa kone ida aturina bubuh, lantas ida ngandika, "Eh, Jero, Jero olas tani olase Jerone ngidupang tiang, sukayan tiang mati teken idup, kene nemu sengsara. Mara keto pangandikanidane, lantas Ida Raden Mantri makakalih matur, nguningayang indik idane uling pangawit nganti kayang jani. Ditu lantas ida prameswari sareng putrane makatetiga saling gelut sating tangisin,reh eling ring kasangsaran raganidane. Bah ledang kayunidane Prameswari klintang, reh suba mapanggih teken putrane sami, dadi len-len awai kone ida sayan kenak, tur raganidane enggal kone pulih waluya jati buka ane suba-suba.
Di subanne keto, lantas Ida Raden Mantri makakalih mapu
28
