Ceninge. Nanging da Cening nakonang adan muah gobanne, bunga anggon ngumpamaang matakon. Buina lamun ada anak ngupamaang gustine bungan cempaka, gustin anake ento suba ia lakar rabin Ceninge, tur Cening lakar masalin goba dadi bojog madan I Dempu Awang. Nanging da Cening; jejeh reh mula keto pakadin ldane Sang Hyang Widhi lakar matemuang Cening marabi. Yen suba mobot rabin Ceninge, sinah Cening lakar buin magoba manusa."
Amonto kone raose ane pirenga tekan Ida Mantri Koripan, lantas ida mantuk. Buin maninne Ida Raden Mantri Koripan tangkil teken ajine, nguningayang raose ane pireng ida di taman, tur lantas ida mapamit lakar ngumbara nglinggihin prau ngrereh lakar karman idane. Keto aturne Raden Mantri. Ida Sang Prabu ledang, tur lantas ngandikaang I Punta, Jrudeh muah parekan liu ngiring Ida Raden Mantri, tur apang ngaba kone bekel lebeng matah.
Kacritanan gelising satua, Ida Raden Mantri lantas ida malayar nuut pasisi. Rauh di pasisin Pajarakane, manggihin kone ida anak mamancing, lantas matakon kone ida,
"Maman, maman mancing, desa apa ne adane?"
"Desa Pajarakan, punika wastanipune."
"Yen kadikan sekar, sekar apa gustin mamane?"
"Sekar kacubung, kudu putih bone ngab." Buin kone Ida Raden Mantri malayar. Rauh di pasisin Singasarine, buin kone ida manggihin anak mamancing, lantas ida buin mataken,
"Maman, maman mamancing, desa apa ne adane?"
"Desa Singasari, puniki wastanipun."
"Yen kadi sekar, sekar apa gustin mamane?"
"Sekar Bakung, kudu putih grempiangan." Buin kone masi ida malayar. Rauh ida di pasisin Gegelange, buin kone ida mataken teken anake mamancing,
"Maman, maman mamancing desa apa ne adane?"
"Desa Gegelang, puniki wastanipune."
"Yen kadikan sekar, sekar apa gustin mamane."
"Sekar jepun, putih montok sarine ilang." Buin kone masi ida malayar, lantas rauh ida di pesisin Dahane, ditu kone ida buin mataken teken anake mamancing,
"Maman, maman maµiancing desa apa ne adane?"
"Desa Daha, punika wastanipune."
30
