Yen kadikan sekar, sekar apa gustin mamane?"
"Sekar cempaka, sari ilid miik ngalub". Mara keto pasaut anake ne katakenin, prajani lantas kone ida dadi bojog putih tur mungil, ditu lantas iringanidane makejang mangelingin Ida Raden Mantri, Raden Mantri lantas ida mangandika,
"Maman Punta, Jrudeh, muah ne pada ajak makejang da Maman ngeling reh jmi gantin gustin Mamane sadia lakar maan anak luh jegeg. Yadin nira magoba bojog, buin pidan yen nira makurenan, ditu nira lakar buin magoba jalema, tur lakar mulih ka Koripan. Buina jani kaukin nira I Dempu Awang, adep men nira dini, lantas kalahin men nira ajak makejang mulih ka Koripan. Yen tonden ada anak meli, da pesan nira kalahina mulih, dini malu nongos ajak makejang!" Mara keto pangandikan Ida Raden Mantri, lantas makejang kone pada suud ngeling.
Kacrita jani Ida Raden Galuh Daha nyumpena kone ida matemu marabi teken anak bagus gati, nanging anake ento, jani magoba bojog putih, bisa ngomong jlema, kaubuh ban wang prau tur lakar bisa kone dadi anak bagus . Ditu lantas IJa Raden Galuh nangkil teken ajine muah rakare makakalih, ngaturin ida mangda numbasang bojoge ane ubuha teken wang praune ento, lakar anggen ida palalian, lantas Ida Sang Prabu ngandika,
"Beh I nanak Galuh, dadi buka anake alit papak raosang Cening, raga suba duur, dadi nagih mapalali.anan keketo. Dening Cening suba duur, keneh bapane majangkepang teken rakan Ceninge I Mantri Koripan. Rakan Ceninge dini makadadua pajangkepang bapa teken I Cening Galuh Gegelang muah Singasari. Dening mula Cening mamisan teken ento makejang." Yadin keto pangandikan ldane Sang Prabu, Ida Raden Galuh tusing ngiring, masi kedeh pinunasidane, apang tumbasang ja ida bojoge putih ento. Dening keto lantas Ida Sang Prabu ngandikaang parekan ka pasisi meli bojoge putih ento teken wang praune. Di subanne bojoge ento katur ka puri, angob gati Ida Sang Prabu miwah Raden Mantri makakalih, reh bojoge ento bisa ngomong muah masolah cara jlema, tur nguningang dewekne madan I Dempu Awang, lantas nikaag ida ngaturang bojoge ento teken Ida Raden Galuh di pagaluhan. Suba kone keto, Ida Raden Galuh peteng lemah sing taen palas teken I Dempu Awang tur pada kone manyingne cara anak marabian.
31
